सध्या दक्षिण आफ्रिका दौऱ्यावर असलेल्या भारतीय क्रिकेट संघासाठी आगामी दौऱ्याचं वेळापत्रक जाहीर करण्यात आलं आहे. आफ्रिकेविरुद्धची कसोटी मालिका गमावल्यानंतर भारताला ६ सामन्यांची वन-डे आणि ३ सामन्यांची टी-२० सामन्यांची मालिका खेळणार आहे. मार्च महिन्यात भारत-श्रीलंका आणि बांगलादेश यांच्यात तिरंगी मालिका रंगणार आहे. ६ ते १८ मार्चदरम्यान रंगणाऱ्या या स्पर्धेचं वेळापत्रक नुकतच जाहीर करण्यात आलेलं आहे. श्रीलंकेच्या ७० व्या स्वातंत्र्यदिनानिमीत्त या तिरंगी मालिकेचं आयोजन करण्यात आलेलं आहे. कोलंबोच्या आर. प्रेमदासा मैदानात हे सर्व टी-२० सामने रंगणार आहेत. १९९८ साली श्रीलंका-भारत आणि न्यूझीलंड यांच्यात तिरंगी मालिका खेळवण्यात आली होती, ज्यात अंतिम फेरीत भारताने श्रीलंकेवर ६ धावांनी मात केली होती. निधास चषक तिरंगी मालिकेचं वेळापत्रक पुढीलप्रमाणे - मार्च ६ २०१८ - श्रीलंका विरुद्ध भारत मार्च ८ २०१८ - भारत विरुद्ध बांगलादेश मार्च १० २०१८ - श्रीलंका विरुद्ध बांगलादेश मार्च १२ २०१८ - श्रीलंका विरुद्ध भारत मार्च १४ २०१८ - भारत विरुद्ध बांगलादेश मार्च १६ २०१८ - श्रीलंका विरुद्ध बांगलादेश मार्च १८ २०१८ - अंतिम सामना