मेलबर्न : जगातील अव्वल टेनिसपटू नोव्हाक जोकोव्हिचची रविवारी ऑस्ट्रेलियातून परत पाठवणी झाली. त्यामुळे त्याला सोमवारपासून सुरू झालेल्या ऑस्ट्रेलियन खुल्या टेनिस स्पर्धेला मुकावे लागलेच, शिवाय त्याच्यावर ऑस्ट्रेलियात तीन वर्षांच्या प्रवेशबंदीचेही संकट आहे. मात्र, ही बंदी हटवण्याचे ऑस्ट्रेलियन पंतप्रधान स्कॉट मॉरिसन यांनी संकेत दिले आहेत.

या बातमीसह सर्व प्रीमियम कंटेंट वाचण्यासाठी साइन-इन करा

लसीकरणाविना ऑस्ट्रेलियात दाखल झालेल्या जोकोव्हिचचा व्हिसा रद्द करण्याची सरकारची कृती केंद्रीय न्यायालयाने रविवारी वैध ठरवली. त्यामुळे त्याला ऑस्ट्रेलिया सोडावे लागले. परकीय नागरिक कायद्यांनुसार, त्याला पुढील तीन वर्षांसाठी ऑस्ट्रेलियाचा व्हिसा मिळू शकत नाही. परंतु बंदी घालण्यात आलेल्या व्यक्तीने मांडलेली बाजू पटल्यास परकीय नागरिकविषयक खात्याच्या मंत्र्यांना ही बंदी हटवण्याचा अधिकार आहे. त्यामुळे जोकोव्हिचचा पुढील वर्षीच्या ऑस्ट्रेलियन स्पर्धेत खेळण्याचा मार्ग पूर्णपणे बंद झालेला नाही. ‘‘व्हिसा रद्द केल्यानंतर देशात प्रवेश करण्यासाठी पुढील तीन वर्षे बंदी असते. मात्र, योग्य कारणांसाठी त्या व्यक्तीवरील प्रवेशबंदी उठूही शकते. परिस्थितीचा विचार करून निर्णय घेतले जातात,’’ असे मॉरिसन म्हणाले.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Novak djokovic banned from playing in australian open for three year zws
First published on: 18-01-2022 at 00:16 IST