NZ vs AFG Highlights: न्यूझीलंडचा अफगाणिस्तानवर दणदणीत विजय, सेफर्ट-फिलिप्स ठरले हिरो

न्यूझीलंड संघाला विजयासाठी ३० चेंडूत ३० असं समीकरण असताना मार्क चॅपमन मोठा फटका खेळत १६व्या षटकात झेलबाद झाला.

रशीद खानने १०व्या षटकातील दुसऱ्या चेंडूवर ग्लेन फिलिप्सला क्लीन बोल्ड केलं. रशीदच्या चेंडूवर फिलिप्स षटकार खेचण्यासाठी गेला आणि बॅटची कड घेत चेंडू विकेटवर आदळला. यासह रशीदने ७४ धावांची भागीदारी तोडली आणि आक्रमक सेलिब्रेशन केलं. यासह न्यूझीलंडने १० षटकांत ३ बाद ९२ धावा केल्या आहेत.

अफगाणिस्तानने प्रथम फलंदाजी करण्याचा निर्णय घेत चांगल्या स्ट्राईक रेटने शानदार धावसंख्या उभारली. गुलबदिन नायबचं वादळी अर्धशतक आणि खालच्या फळीतील फलंदाजांच्या फटकेबाजीच्या बळावर अफगाण संघाने ५ बाद १८१ धावा केल्या आहेत. यासह न्यूझीलंड संघाला विजयासाठी १८२ धवांच लक्ष्य दिलं आहे.

१८वं षटक टाकण्याची जबाबदारी रचिन रवींद्रला देण्यात आली. त्याच्या पहिल्या चेंडूवर गुलबदिनने षटकार लगावला, यानंतर दुसऱ्या चेंडूवर मोठा फटका खेळण्याच्या प्रयत्नात झेलबाद झाला. गुलबदिन ३५ चेंडूत ४ षटकार व ३ चौकारांसह ६६ धावांची खेळी केली.

गुलबदिन नायबचं तिसऱ्या क्रमांकावर फलंदाजीला येत वादळी अर्धशतक झळकावलं आहे. गुलबदिनने २९ चेंडूत २ चौकार व ३ षटकारांसह अर्धशतक पूर्ण केलं आहे. तर पुढच्याच चेंडूवर सेदिकुल्ला अटल १५व्या षटकातील तिसऱ्या चेंडूवर झेलबाद झाला.

लॉकी फर्ग्युसन सहावं षटक टाकण्यासाठी आला आणि सामन्याचा रोख बदलला. पहिल्याच चेंडूवर इब्राहिम झाद्रान झेलबाद झाला. तर अखेरच्या चेंडूवर गुरबाज क्लीन बोल्ड झाला. यासह ६ षटकांत संघाने २ बाद ४४ धावा केल्या आहेत.

न्यूझीलंड आणि अफगाणिस्तान यांच्यातील वर्ल्डकप सामन्याला सुरूवात झाली आहे. अफगाणिस्तानकडून रहमानउल्ला गुरबाज व इब्राहिम झाद्रान ही जोडी उतरली आहे. तर न्यूझीलंडकडून मॅट हेन्री गोलंदाजी करत आहे.

फिन ऍलन, टिम सेफर्ट (यष्टीरक्षक), रचिन रवींद्र, ग्लेन फिलिप्स, मार्क चॅपमन, डॅरिल मिशेल, मिचेल सँटनर (कर्णधार), जेम्स नीशम, मॅट हेन्री, लॉकी फर्ग्युसन, जेकब डफी

अफगाणिस्तान व न्यूझीलंड संघ आज टी-२० विश्वचषक मोहिमेला सुरूवात करत आहे. दोन्ही संघांचा हा सामना चेन्नईतील चेपॉकमध्ये खेळवला जाईल.