Our actions follow rules Harmanpreet kaur cricket bowler deepti sharma ysh 95 | Loksatta

आमची कृती नियमाला धरूनच -हरमनप्रीत

नॉन-स्ट्राईकवरील (गोलंदाजाच्या बाजूकडील) फलंदाजाने चेंडू टाकण्यापूर्वी क्रीज सोडल्यास तिला धावबाद करणे हे नियमाला धरूनच आहे.

आमची कृती नियमाला धरूनच -हरमनप्रीत
आमची कृती नियमाला धरूनच -हरमनप्रीत

लंडन : नॉन-स्ट्राईकवरील (गोलंदाजाच्या बाजूकडील) फलंदाजाने चेंडू टाकण्यापूर्वी क्रीज सोडल्यास तिला धावबाद करणे हे नियमाला धरूनच आहे. त्यामुळे आम्ही कोणताही गुन्हा केलेला नाही, अशी प्रतिक्रिया भारतीय महिला क्रिकेट संघाची कर्णधार हरमनप्रीत कौरने व्यक्त केली.

रविवारी झालेल्या तिसऱ्या आणि अखेरच्या एकदिवसीय सामन्यात भारतीय संघाने इंग्लंडला १६ धावांनी पराभूत केले. भारताची फिरकी गोलंदाज दीप्ती शर्माने आपल्या बाजूकडील फलंदाजाला धावबाद करत भारताच्या विजयावर शिक्कामोर्तब केले. १७० धावांचा पाठलाग करताना इंग्लंडची ९ बाद ११८ अशी स्थिती होती. मात्र, चार्ली डीनने (८० चेंडूत ४७ धावा) झुंजार खेळी करत इंग्लंडच्या विजयाच्या आशा जिवंत ठेवल्या. परंतु ४३वे षटक टाकणाऱ्या दीप्तीने नॉन-स्ट्राईकवरील डीनला धावबाद केले. त्यामुळे इंग्लंडच्या आजी-माजी खेळाडूंकडून खिलाडूवृत्तीचा मुद्दा उपस्थित केला गेला. मात्र, हरमनप्रीतने दीप्तीच्या कृतीचे समर्थन केले.

‘‘दीप्तीने केलेली कृती नियमाला धरूनच होती. आमच्याकडून काही गुन्हा झाला आहे, असे मला वाटत नाही. हा खेळाचा एक भाग आहे. आंतरराष्ट्रीय क्रिकेट परिषदेचा (आयसीसी) हा नियम आहे. त्यामुळे माझे दीप्तीला पूर्ण समर्थन आहे,’’ असे हरमनप्रीत म्हणाली. गोलंदाजांकडून नॉन-स्ट्रायकरकडील फलंदाजाला बाद ठरवणारी पद्धत आता धावबाद म्हणून ग्राह्य धरली जाईल, असे ‘आयसीसी’ने नुकतेच स्पष्ट केले होते.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विक्रमी वेळेसह किपचोगे बर्लिन मॅरेथॉनचा विजेता

संबंधित बातम्या

‘तो’ झेल सुटला अन् भारताचा खेळ खल्लास, भर मैदानातच कर्णधार रोहित शर्मा भडकला, Video होतोय तुफान Viral
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
IND vs BAN 1st ODI: थरारक सामन्यात बांगलादेशचा भारतावर एक गडी राखून विजय; केएल राहुलचे अर्धशतक व्यर्थ
IND vs PAK: सचिन तेंडुलकरच्या वादग्रस्त रनआऊटबाबत वसीम अक्रमचा धक्कादायक खुलासा; म्हणाला, ‘ब्रेकच्या वेळी…’
IND vs BAN 1st ODI: हवेत सूर मारत लिटन दासने घेतला अफलातून झेल, विराट कोहलीही झाला अवाक्

व्हिडिओ

ताज्या बातम्या
जपानविरुद्धच्या सामन्यात क्रोएशियाचे पारडे जड
विश्लेषण: नीति आयोग: त्यांचा आणि आपला..
ऑस्ट्रेलियाला नमवत अर्जेटिना उपांत्यपूर्व फेरीत
ब्राझीलसमोर दक्षिण कोरियाचे आव्हान
भारत-बांगलादेश एकदिवसीय मालिका: बांगलादेशचा भारतावर रोमहर्षक विजय