धक्कादायक..! पाकिस्तान संघाच्या ३ क्रिकेटपटूंना करोनाची लागण

या खेळाडूंना आता १० दिवसांच्या कडक आयसोलेशनमध्ये राहावे लागणार आहे.

pakistan women cricket team three members found corona virus positive
पाकिस्तान संघात करोनाचा शिरकाव

पाकिस्तान महिला क्रिकेट महिला संघातील तीन सदस्य कोविड-१९ पॉझिटिव्ह आढळले आहेत. पाकिस्तान क्रिकेट बोर्डाने (पीसीबी) ही माहिती दिली. वेस्ट इंडिजविरुद्धच्या त्यांच्या एकदिवसीय मालिकेच्या पूर्वतयारीच्या उद्देशाने संघाचे खेळाडू कराचीतील हनिफ मोहम्मद हाय-परफॉर्मन्स सेंटरमध्ये जमले होते. बुधवारी टीममधील सर्व सदस्यांची करोना चाचणी करण्यात आली, ज्यामध्ये तीन जणांचा अहवाल पॉझिटिव्ह आला आहे.

मात्र, पीसीबीने या खेळाडूंच्या नावांची माहिती दिलेली नाही, ज्यांची चाचणी पॉझिटिव्ह आली आहे, त्यांना आता १० दिवस कडक आयसोलेशनमध्ये राहावे लागणार आहे. क्वारंटाइन पुढील महिन्यात ६ नोव्हेंबर रोजी संपेल. कोविड-१९ प्रोटोकॉल अंतर्गत, टीमच्या उर्वरित सदस्यांना २ नोव्हेंबरपर्यंत आयसोलेशनमध्ये ठेवण्यात आले आहे. या खेळाडूंना प्रत्येक दिवशी एक चाचणी द्यावी लागेल. शिबिरासाठी तयार करण्यात आलेल्या बायो-बबलमध्ये प्रवेश करण्यापूर्वी मे महिन्यात प्रत्येकाचे करोना लसीकरण करण्यात आले.

हेही वाचा – पाकिस्तानची मोठी खेळी..! भारताला वर्ल्डकप जिंकवून देणाऱ्या ‘दिग्गजाला’ आपल्या ताफ्यात घेणार

वेस्ट इंडिजचा महिला संघ एकदिवसीय मालिकेसाठी पाकिस्तान दौऱ्यावर जाणार आहे. दोन्ही संघ ८ ते १४ नोव्हेंबर दरम्यान तीन एकदिवसीय सामने खेळणार आहेत. कराचीतील नॅशनल स्टेडियमवर सामने खेळवले जातील. यापूर्वी पाकिस्तानने वेस्ट इंडिजमध्ये तीन टी-२० आणि पाच एकदिवसीय सामने खेळले होते. पाकिस्तानचा पुरुष संघ टी-२० विश्वचषक स्पर्धेसाठी यूएईमध्ये आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pakistan women cricket team three members found corona virus positive adn

ताज्या बातम्या