PBKS vs MI: मुंबई इंडियन्सला मोठा धक्का! पंजाबविरुद्धच्या सामन्यातून २ प्रमुख खेळाडू बाहेर?

क्रिकबझने दिलेल्या वृत्तानुसार, हार्दिक पंड्या धरमशालेसाठी रवाना झालेला नाही. तो अजूनही मुंबईत आहे. मिळालेल्या माहितीनुसार, तो मुंबईत आपल्या दुखापतीवर उपचार घेत आहे. हार्दिक पाठीच्या दुखण्याने त्रस्त आहे. त्यामुळे तो गेले २ सामने खेळू शकला नव्हता. आता पंजाबविरुद्ध होणाऱ्या सामन्यातही तो खेळण्याची शक्यता कमी आहे.

तसेच सूर्यकुमार यादव आपल्या कुटुंबासोबत वेळ घालवत असल्याची माहिती समोर आली आहे. काही दिवसांपूर्वीच सूर्यकुमार यादवच्या कुटुंबात चिमुकलीचे आगमन झाले आहे. त्यामुळे तो वैयक्तिक कारणास्तव धरमशालेला रवाना झाला नसल्याची माहिती समोर आली आहे. पण सूर्यकुमार यादव सामन्याआधी संघासोबत जोडला जाऊ शकतो, अशी माहिती समोर येत आहे. त्यामुळे सूर्यकुमार यादव खेळण्याची शक्यता जास्त आहे. पण हार्दिक पंड्या या सामन्यातूनही बाहेर होऊ शकतो. त्यामुळे या सामन्यातही सूर्यकुमार यादव मुंबई इंडियन्स संघाचं नेतृत्व करताना दिसून येऊ शकतो.

मुंबई इंडियन्स – पंजाब किंग्स सामना केव्हा होणार?

पंजाब किंग्स आणि मुंबई इंडियन्स यांच्यात होणारा सामना हा पंजाब किंग्ससाठी अतिशय महत्वाचा असणार आहे. कारण पंजाबला गेल्या चारही सामन्यांमध्ये पराभवाचा सामना करावा लागला आहे. हा सामना धरमशालेतील HPCA स्टेडियमवर खेळवला जाणार आहे. पंजाबला जर प्लेऑफमध्ये स्थान मिळवायचं असेल, तर हा सामना कुठल्याही परिस्थितीत जिंकावा लागणार आहे.