लंडन : इंग्लिश प्रीमियर लीगमध्ये नवीन वर्षांच्या पहिल्या दिवशी झालेल्या रोमहर्षक लढतीत ब्रायटनने बलाढय़ चेल्सीला १-१ बरोबरीत रोखले. विशेष म्हणजे चौथ्या क्रमांकावर असणारा चेल्सी ब्रायटनला सहज नमवेल असे अपेक्षित होते. त्याप्रमाणे १०व्या मिनिटालाच सेझार अॅझपिलिक्यूटाने गोल करत चेल्सीला १-० आघाडी मिळवून दिली. चेल्सीकडून आणखी गोल होतील अशीच अपेक्षा होती. चेल्सीला गोल करण्याच्या काही संधीदेखील होत्या, मात्र ब्रायटनच्या बचावपटूंनी चेल्सीला रोखण्यात यश मिळवले. अखेर खेळ संपायला सहा मिनिटे बाकी असताना ब्रायटनच्या अलिरेझा जहानबक्षने (८४वे मिनिट) गोल केला. त्यामुळेच ब्रायटनला चेल्सीला बरोबरीत रोखण्यात यश आले.
