IPLमध्ये येणार दोन नवीन संघ, BCCI कमावणार ५८,०० कोटी!

या दोन संघांची किंमत प्रत्येकी ‘इतकी’ असू शकते.

ipl 2021 mumbai indians to square off against chennai super kings on september 19 reports ani
आयपीएल २०२१

इंडियन प्रीमियर लीग (आयपीएल) सुरू झाल्यापासून बीसीसीआयने आर्थिक आघाडीवर यशाचे झेंडे उंचावले आहेत. करोना काळात इतर मंडळ क्रिकेटपटूंचे मानधन कापत असताना बीसीसीआयने याउलट काम केले आहे. आता बीसीसीआयची तिजोरी पुन्हा भरली जाणार आहे, कारण आयपीएलच्या पुढील हंगामासाठी बीसीसीआय दोन नवीन संघ स्पर्धेत आणणार आहे, ज्यांची किंमत तुम्हाला आश्चर्यचकित करू शकते.

क्रिकबझच्या अहवालानुसार इंडियन प्रीमियर लीगच्या नव्या टीमची बेस प्राइस सुमारे १८०० कोटी रुपये असू शकते, परंतु बोली लावल्यामुळे या टीमचे मूल्य २२०० ते २९०० कोटीपर्यंत जाईल. पाच वेळा आयपीएल चॅम्पियन मुंबई इंडियन्सची किंमत २७०० ते २८०० कोटी रुपये आहे तर, चेन्नई सुपर किंग्ज २२००-२३०० कोटींची टीम आहे. त्याचबरोबर राजस्थान रॉयल्सची किंमत १८५५ कोटी रुपये आहे.

हेही वाचा – २६ वर्षीय प्रणती नायकला मिळालं टोकियो ऑलिम्पिकचं तिकीट!

माध्यमांच्या वृत्तानुसार, आयपीएलच्या दोन नव्या संघांचा लिलाव पुढच्या महिन्यात जुलैमध्ये होऊ शकतो. बीसीसीआय यावर काम करत आहे. आयपीएल २०२२मध्ये खेळणारी एक नवीन टीम अहमदाबादची असू शकते. जगातील सर्वात मोठे क्रिकेट स्टेडियमही अहमदाबाद येथे बांधले गेले आहे. आयपीएल २०२१चे काही सामनेही येथे खेळले गेले. गुजरात लायन्सही आयपीएलचा एक भाग होती. उत्तर प्रदेशचा संघही आयपीएल २०२२ मध्ये येऊ शकतो. आठपेक्षा अधिक संघ आयपीएलमध्ये भाग घेण्याची ही पहिली वेळ नाही. २०११ मध्ये १० संघांनी स्पर्धेत भाग घेतला होता तर, पुढील दोन हंगामात नऊ फ्रेंचायझींचा सहभाग होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Price of new two ipl teams adn

Next Story
VIDEO : ‘धीरे धीरे’ गाणे तेही संस्कृतमध्ये ऐकलेत का तुम्ही?