Prithvi Shaw was disappointed after not getting a place in the squad for the ODI series, shared a post on Instagram avw 92 | Loksatta

एकदिवसीय मालिकेसाठी संघात स्थान न मिळाल्याने पृथ्वी शॉ झाला हताश, शेअर केली इंस्टाग्रामवर पोस्ट

दक्षिण आफ्रिकेविरुद्धच्या तिसऱ्या टी२० सामन्यात स्थान न दिल्याने पृथ्वी शॉ ने नाराजी व्यक्त केली.

एकदिवसीय मालिकेसाठी संघात स्थान न मिळाल्याने पृथ्वी शॉ झाला हताश, शेअर केली इंस्टाग्रामवर पोस्ट
संग्रहित छायाचित्र (इंडियन एक्सप्रेस)

दक्षिण आफ्रिकेविरुद्धच्या एकदिवसीय मालिकेसाठी भारतीय संघाची घोषणा करण्यात आली आहे. शिखर धवन संघाचे नेतृत्व करेल. त्याचबरोबर श्रेयस अय्यरला उपकर्णधारपद देण्यात आले आहे. श्रेयसचेही संघात पुनरागमन झाले आहे. झिम्बाब्वेविरुद्धच्या एकदिवसीय मालिकेतही तो खेळला नव्हता. त्याची पहिल्यांदाच भारतीय संघात निवड झाली आहे. नियमित कर्णधार रोहित शर्मा, विराट कोहली, ऋषभ पंत, हार्दिक पांड्या आणि युझवेंद्र चहल यांच्यासह वरिष्ठ खेळाडूंना टी२० विश्वचषकापूर्वी विश्रांती देण्यात आली आहे.

भारतीय संघात स्थान मिळवण्यासाठी पृथ्वी शॉ हा मोठा दावेदार होता, मात्र निवडकर्त्यांनी त्याच्याकडे दुर्लक्ष केले आहे. आता त्याच्या वेदना सोशल मीडियावर पसरल्या आहेत. संघात स्थान न मिळाल्याने पृथ्वीने आपले मौन सोडले आहे. भारताचा स्टार फलंदाज दीर्घकाळापासून देशांतर्गत क्रिकेटमध्ये चांगली कामगिरी करत आहे. दुलीप चषकामध्ये त्याने आपल्या खेळाने सर्वांची मने जिंकली आहेत. मात्र निवड समितीने पृथ्वी शॉला दक्षिण आफ्रिकेविरुद्धच्या एकदिवसीय मालिकेचा भाग बनवलेले नाही.

हेही वाचा :  IND vs SA ODI Squad: दक्षिण आफ्रिकेविरुद्धच्या एकदिवसीय मालिकेसाठी टीम इंडियाची घोषणा, धवन कर्णधार, श्रेयस उपकर्णधार 

भारतीय संघाकडून प्रथमच बोलावणे आलेल्या रजत पाटीदार आणि मुकेश कुमारसह १६ खेळाडूंच्या या संघात शाहबाज अहमद आणि राहुल त्रिपाठी या आयपीएल गाजवलेल्या खेळाडूंना स्थान मिळाले आहे. मात्र, या संपूर्ण यादीत सातत्यपूर्ण कामगिरी करणाऱ्या पृथ्वी शॉ याचे नाव नाही. भारतीय संघाची घोषणा झाल्यानंतर काही वेळातच पृथ्वी शॉने त्याच्या इंस्टाग्रामवर एक स्टोरी पोस्ट केली, जी सध्या चांगलीच व्हायरल होत आहे.

पृथ्वीने आपल्या इंस्टाग्राम पोस्टमध्ये लिहिले आहे की, “ शब्दांवर विश्वास ठेवू नका, त्याच्या कृतीवर विश्वास ठेवा. कृती हे सिद्ध करते की, शब्द अर्थहीन का आहेत..’ पृथ्वी शॉने येथे कोणाचेही नाव घेतले नसले तरी तो हताश आणि निराश झाल्याचे मानले जात आहे. टीम इंडियासाठी अनेक सामने स्वबळावर जिंकले आहेत. पृथ्वी शॉ भारताकडून क्रिकेटच्या तिन्ही प्रकारामध्ये क्रिकेट खेळला आहे. त्याने भारतीय संघासाठी ५ कसोटी सामन्यात ३३९ धावा, ६ एकदिवसीय सामन्यात १८९ धावा आणि एक टी२० सामना खेळला आहे. खराब फॉर्ममुळे तो भारतीय संघाच्या बाहेर गेला होता, पण २०२२ मध्ये त्याने देशांतर्गत क्रिकेटमध्ये जबरदस्त खेळ दाखवला. मात्र यावेळी निवडकर्त्यांनी त्याच्याकडे दुर्लक्ष केले.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
IND vs SA 3rd T20I: तिसऱ्या टी२० सामन्यातून केएल राहुलसह या स्टार फलंदाजांना दिली विश्रांती, काय कारण जाणून घ्या…

संबंधित बातम्या

IND vs BAN 2nd ODI: गडी एकटा निघाला! हाताला पट्टी तरी रोहित टीम इंडियासाठी लढला, चाहत्यांचा कडक सॅल्यूट
IND vs BAN 2nd ODI: रोहित शर्माची झुंज अपयशी! बांगलादेशची भारतावर ५ धावांनी मात, मालिकेत २-० विजयी आघाडी
विश्लेषण: पोर्तुगाल संघातून ख्रिस्तियानो रोनाल्डोला का वगळले? रोनाल्डोच्या कारकीर्दीची ही अखेर समजावी का?
IND vs BAN 2nd ODI: ‘जाळ अन् धूर संगटच…’ उमरान मलिकच्या १५१ किमी वेगाने फलंदाजाच्या दांड्या गुल, पाहा video
IND vs BAN 2nd ODI: ‘अरे देवा! सांगा यांना कोणीतरी…’ आयसीसीची मोठी चूक, सोशल मीडियावर क्रिकेटप्रेमींनी केले ट्रोल

व्हिडिओ

ताज्या बातम्या
नोटाबंदीसंबंधी कागदपत्रे सादर करा!; केंद्र सरकार, रिझव्‍‌र्ह बँकेला सर्वोच्च न्यायालयाचे आदेश
रायगडमध्ये युती-आघाडी जुळवताना कसरत; ग्रामपंचायत निवडणुकांची रणधुमाळी
तालिबानने ताबा घेतल्यापासून अफगाणिस्तानमध्ये प्रथमच जाहीर फाशी
कर्जे महाग!; रिझव्‍‌र्ह बँकेकडून रेपो दरात ०.३५ टक्क्यांनी वाढ
राज्य सरकारी कर्मचाऱ्यांचे वेतन ‘कर्णाटक बँके’तून!