Pro Kabaddi League ninth season dates announced, matches to be held in these three cities avw 92 | Loksatta

प्रो कबड्डी लीग नवव्या हंगामाच्या तारखा जाहीर, या तीन शहरांमध्ये होणार सामने

प्रो कबड्डीच्या नवव्या हंगामाचे वेळापत्रक जाहीर झाले असून पुण्यातसह इतर दोन शहरांमध्ये महासंग्राम रंगणार आहे.

प्रो कबड्डी लीग नवव्या हंगामाच्या तारखा जाहीर, या तीन शहरांमध्ये होणार सामने
संग्रहित छायाचित्र (जनसत्ता)-प्रो कबड्डी लीग २०२२

विवो प्रो कबड्डी लीग २०२२ च्या आयोजकांनी नवव्या हंगामाच्या तारखा जाहीर केल्या आहेत. या वेळी लीग ७ ऑक्टोबर २०२२ पासून सुरू होईल आणि डिसेंबरच्या मध्यापर्यंत चालेल. लीग टप्पा बेंगळुरू, पुणे आणि हैदराबाद येथे आयोजित केला जाईल. विवो पीकेएल हंगाम ९ च्या घोषणेनंतर, लीग कमिशनर अनुपम गोस्वामी यांच्या हस्ते मशाल स्पोर्ट्स पेटवून या लीगचे उद्घाटन करण्यात आले. यावेळी ते म्हणाले, “कबड्डी या स्वदेशी खेळाला समकालीन इतर खेळांबरोबर आणि क्रीडा चाहत्यांच्या भावी पिढ्यांपर्यंत पोहचवण्यासाठी हा उपक्रम आपण दरवर्षी करत असतो. कबड्डी हा खेळ जगासमोर नेण्याच्या दृष्टीकोनातून विवो प्रो कबड्डी लीगचा प्रवास सुरू केला आहे.”

आयोजकांनी सांगितले की आगामी हंगामात प्रेक्षक परत येतील, कारण हंगाम ८ जवळजवळ संपूर्णपणे प्रेक्षकांविना आयोजित करण्यात आला होता. अनुपम गोस्वामी म्हणाले, “आम्ही आगामी पीकेएल हंगाम ९ बद्दल अधिक उत्सुक आहोत कारण आमचे चाहते बेंगळुरू, पुणे आणि हैदराबाद येथील स्टेडियममध्ये त्यांच्या आवडत्या संघ आणि स्टार्सच्या थरारक खेळीचा अनुभव घेण्यासाठी परततील.” बंगळुरू येथील श्री कांतिवीरा इंडोर स्टेडियम येथे ७ ऑक्टोबरपासून पहिले सत्र सुरु होणार असून पुण्यातील बालेवाडी येथे शिवछत्रपती क्रीडा संकुलात (बॅडमिंटन हॉल) २८ऑक्टोबरपासून स्पर्धेचा उत्तरार्ध पार पडणार आहे.

हेही वाचा  :संजू सॅमसनचे अर्धशतक!, लॉर्ड ठाकूर आणि तिलक वर्मा यांचीही शानदार फटकेबाजी

या मौसमात प्रो कबड्डी लीगमध्ये चाहत्याना पुन्हा थेट स्टेडियम मध्ये हजर राहता येणार आहे. भव्य उदघाटन सोहळ्यानंतर क्रीडा प्रेमींना पहिल्या तीन दिवसांतच तिहेरी सामन्यांचा आनंद घेता येणार आहे. पहिल्या ६६ सामन्यांच्या वेळापत्रकामध्ये पहिल्या दोन दिवसातच सर्व १२ संघ मैदानावर उतरणार आहेत. इतकेच नव्हे तर प्रो कबड्डी लीगच्या साखळी फेरीत दार शुक्रवार व शनिवारी तीन-तीन सामने रंगणार आहेत.

हेही वाचा  :ज्युलियस बेअर बुद्धिबळ स्पर्धा : कार्लसनकडून अर्जुन पराभूत

उदघाटनाची पहिल्याच दिवशी गतविजेता दबंग दिल्ली विरुद्ध यु मुंबा हि लढत ७ ऑक्टोबर रोजी होणार असून त्याच दिवशी दुसरा सामना बंगळुरू बुल्स विरुद्ध तेलगू टायटन्स यांच्यात तर तिसरी लढत युपी योद्धाज विरुद्ध जयपूर पिंक पँथर्स यांच्यात होणार आहे. दुसऱ्या सत्राचे वेळापत्रक ऑक्टोबर अखेर जाहीर करण्यात येणार असून त्यामुळे पहिल्या सत्रातील कामगिरीच्या आधारावर सर्व संघांना डावपेचात बदल करता येणार आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
संजू सॅमसनचे अर्धशतक!, लॉर्ड ठाकूर आणि तिलक वर्मा यांचीही शानदार फटकेबाजी

संबंधित बातम्या

विश्लेषण: पोर्तुगाल संघातून ख्रिस्तियानो रोनाल्डोला का वगळले? रोनाल्डोच्या कारकीर्दीची ही अखेर समजावी का?
IND vs BAN 2nd ODI: गडी एकटा निघाला! हाताला पट्टी तरी रोहित टीम इंडियासाठी लढला, चाहत्यांचा कडक सॅल्यूट
IND vs BAN 2nd ODI: ‘जाळ अन् धूर संगटच…’ उमरान मलिकच्या १५१ किमी वेगाने फलंदाजाच्या दांड्या गुल, पाहा video
David Warner: “क्रिकेटपेक्षा माझे कुटुंब माझ्यासाठी महत्त्वाचे…” डेव्हिड वॉर्नरने कर्णधारपदावरून क्रिकेट ऑस्ट्रेलियावर केली टीका
IND vs BAN 2nd ODI: ‘अरे देवा! सांगा यांना कोणीतरी…’ आयसीसीची मोठी चूक, सोशल मीडियावर क्रिकेटप्रेमींनी केले ट्रोल

व्हिडिओ

ताज्या बातम्या
चीनमध्ये जनआंदोलनानंतर करोना निर्बंध शिथिल 
तृतीयपंथीयांना नोकरीची संधी डावलता येणार नाही; उच्च न्यायालयाने राज्य सरकारला फटकारले
नेत्यांकडे स्वत:ची मते, व्यासंग असावा – देवेंद्र फडणवीस
गोवर रुग्णांच्या नमुन्यांच्या तपासणीसाठी हाफकीन तयार
Maharashtra Karnataka border: एसटीच्या ३८२ फेऱ्या अंशत: रद्द