Denmark Open: बॅडमिंटनपटू पीव्ही सिंधूची उपांत्यपूर्व फेरीत धडक

ऑलिम्पिक स्पर्धेत दोन पदकं जिंकणारी भारताची स्टार बॅडमिंटनपटू पीव्ही सिंधूने डेन्मार्क ओपनच्या उपांत्यपूर्व फेरीत धडक मारली आहे.

PVSindhu-AP-fb
Denmark Open: बॅडमिंटनपटू पीव्ही सिंधूची उपांत्यपूर्व फेरीत धडक (संग्रहित फोटो)

ऑलिम्पिक स्पर्धेत दोन पदकं जिंकणारी भारताची स्टार बॅडमिंटनपटू पीव्ही सिंधूने डेन्मार्क ओपनच्या उपांत्यपूर्व फेरीत धडक मारली आहे. तीन सेटपर्यंत चाललेल्या सामन्यात सिंधूने थायलंडच्या बुसानन ओंगबामरुंगफामनला पराभूत करत उपांत्यपूर्व फेरी गाठली आहे. सिंधूने ६७ मिनिटं चालेल्या सामन्यात २१-१६, १२-२१, २१-१५ अशा सेटमध्ये बुसाननचा पराभव केला. ऑगस्ट महिन्यात ऑलिम्पिकमध्ये कांस्य पदक पटकावल्यानंतर सिंधूची ही पहिली स्पर्धा आहे. त्यानंतर सिंधूने ब्रेक घेतला होता आणि डेन्मार्क ओपनमधून खेळण्यास सुरुवात केली आहे.

यापूर्वीच्या सामन्यात सिंधूने टर्कीच्या नेस्लिहान यिगिटवर २१-१२, २१-१० असा सरळ गेममध्ये विजय मिळवला होता. त्यानंतर सिंधूची बुसानन ओंगबामरुंगफानशी सामना झाला.

दुसरीकडे, भारताची आघाडीची बॅडमिंटनपटू पी. व्ही. सिंधूने कारकीर्दीत जवळपास प्रत्येक महत्त्वाची स्पर्धा जिंकली आहे. त्यामुळे आता तिने फक्त ऑल इंग्लंडचे अजिंक्यपद मिळवावे, असे मत भारताचे माजी बॅडमिंटनपटू प्रकाश पदुकोण यांनी व्यक्त केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pv sindhu reached the quarter finals of the denmark open rmt

Next Story
विजयी भव !
ताज्या बातम्या