scorecardresearch

Premium

Rahul Dravid Coach: राहुल द्रविडला टीम इंडियाचा पुन्हा प्रशिक्षक करण्यामागे काय आहे कारण? जाणून घ्या

Rahul Dravid Coach: बीसीसीआयने भारतीय वरिष्ठ पुरुष संघाच्या मुख्य प्रशिक्षकपदी राहुल द्रविडची पुन्हा नियुक्ती केली आहे. त्याचा किती वर्षाचा असणार याबद्दल जाणून घेऊया.

Why is Rahul Dravid a better coach for Team India Look at his coaching record
बीसीसीआयने भारतीय वरिष्ठ पुरुष संघाच्या मुख्य प्रशिक्षकपदी राहुल द्रविडची पुन्हा नियुक्ती केली आहे. सौजन्य- (ट्वीटर)

Rahul Dravid Coach: भारतीय प्रशिक्षक राहुल द्रविडचे चांगले प्रशिक्षण पाहून बीसीसीआयने त्याचा कार्यकाळ वाढवला आहे. द्रविडच्या नेतृत्वाखाली टीम इंडियाने अनेक मोठ्या मालिका जिंकल्या आहेत. त्यामुळे बीसीसीआयने पुन्हा त्याच्यावर विश्वास व्यक्त केला आहे. नोव्हेंबर २०२१ मध्ये त्याने टीम इंडियाची जबाबदारी स्वीकारल्यापासून, टीम आतापर्यंत चांगल्या फॉर्ममध्ये आहे. मात्र, त्याचा वाढीव कार्यकाळ किती वर्षाचा असणार याबाबत बीसीसीआयने अधिकृतपणे माहिती दिलेली नाही.

इंडियन एक्स्प्रेसच्या वृतानुसार, त्याचा कार्यकाळ हा टी-२० विश्वचषक किंवा पुढील एका वर्षापर्यंत वाढवण्यात आला आहे. मात्र ,याबद्दल बीसीसीआयने कुठलीही अधिकृत माहिती दिलेली नाही. भारताचे मुख्य प्रशिक्षक राहुल द्रविड यांना जूनमध्ये कॅरिबियन आणि अमेरिकेत होणारा टी-२० विश्वचषक संपेपर्यंत मुदतवाढ देण्यात आली होती, असा इंडियन एक्सप्रेसने अंदाज व्यक्त केला आहे.

Hanuma Vihari Leaving AP Cricket Association Politics Leaving Captaincy
Hanuma Vihari : खळबळजनक! भारतीय क्रिकेटपटूला नेत्याच्या मुलावर ओरडणं पडलं महागात, द्यावा लागला राजीनामा
Sarfaraz Khan's fans angry with Virender Sehwag's pos
IND vs ENG : जुरेलच्या शानदार खेळीनंतर वीरेंद्र सेहवागने मीडियाकडे ‘ही’ मागणी केल्याने सर्फराझचे चाहते संतापले
Bachu Kadu criticizes BJP says it is bjps attitude is to crush smaller parties along with them
“सोबत घेऊन ठेचून काढण्याचा भाजपचा अनुभव येतोय,” बच्चू कडू यांची टीका; म्हणाले, “चलती आहे तोपर्यंत…”
MS Dhoni jersey number
“त्या दिवशी आई-वडिलांनी…”, धोनीने सांगितलं ७ नंबरची जर्सी का निवडली? चाहत्यांकडून ‘Thala for a reason’चा ट्रेंड

हेही वाचा: IND vs SA: पुजारा-रहाणे यांना कसोटी संघात स्थान मिळेल की BCCI नव्या चेहऱ्याला संधी देईल? जाणून घ्या

बीसीसीआयने भारताचा माजी डावखुरा वेगवान गोलंदाज आशिष नेहरा याला सर्वात लहान फॉरमॅट म्हणजेच टी-२०मध्ये प्रशिक्षकपदाचा प्रस्ताव दिला होता, परंतु जेव्हा त्याने नकार दिला. त्यानंतर बोर्डाने द्रविडची सर्व फॉरमॅटमध्ये प्रशिक्षक म्हणून पुन्हा नियुक्ती केली.

वरिष्ठ भारतीय संघात प्रशिक्षकपदाची भूमिका बजावण्यापूर्वी, द्रविडने २०१८मध्ये अंडर-१९ संघाचे नेतृत्व केले होते. २०१६ साली त्याच्या मार्गदर्शनाखाली टीम इंडियाने दुसऱ्यांदा विश्वचषक जिंकला होता. त्याने आयपीएल फ्रँचायझी दिल्ली आणि राजस्थानचे प्रशिक्षकपदही भूषवले आहे. इतकेच नाही तर त्यांनी दीर्घकाळ एनसीए म्हणजेच राष्ट्रीय क्रिकेट प्रशिक्षण शिबिराचे देखील नेतृत्व केले आहे. त्यानंतर राहुल द्रविडने १० टी-२० मालिका, नऊ एकदिवसीय आणि पाच कसोटी मालिकांमध्ये टीम इंडियाचे प्रशिक्षकपद भूषवले आहे. द्रविडचा हा अनुभव लक्षात घेऊन बीसीसीआयने पुन्हा त्याचा प्रशिक्षकपदाचा कार्यकाळ वाढवला.

हेही वाचा: IND vs SA: ना सूर्या ना हार्दिक; दक्षिण आफ्रिका दौऱ्यावर टी-२० कर्णधारपदासाठी BCCI करणार ‘या’ खेळाडूची मनधरणी

द्रविडने अनेक मालिकांमध्ये भारतीय संघाचे प्रशिक्षकपद भूषवलेले नाही. या काळात त्याच्या अनुपस्थितीत व्हीव्हीएस लक्ष्मणने ही जबाबदारी चोख पार पाडली. गेल्या वर्षी झिम्बाब्वे एकदिवसीय मालिकेदरम्यान भारताने ३-०ने जिंकल्यानंतर द्रविडला ब्रेक देण्यात आला होता. पुन्हा एकदा त्याला टी-२० आंतरराष्ट्रीय विश्वचषकानंतर न्यूझीलंडविरुद्धच्या मालिकेसाठी विश्रांती देण्यात आली. किवींनी एकदिवसीय मालिका १-० अशी जिंकली, तर भारताने टी-२० मालिका १-०ने जिंकली होती. मायदेशातील दक्षिण आफ्रिकेविरुद्धच्या एकदिवसीय मालिकेतही लक्ष्मणने जबाबदारी सांभाळली होती. त्यात भारताने ३-०ने निर्भेळ यश संपादन केले होते.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rahul dravid reappointed as team india coach by bcci find out avw

First published on: 30-11-2023 at 13:25 IST

संबंधित बातम्या

तुम्ही या बातम्या वाचल्या आहेत का? ×