RR vs MI: राजस्थान रॉयल्स प्लेऑफमध्ये पोहोचणारा चौथा संघ; मुंबईचा रोमांचक सामन्यात पराभव

IPL 2026 RR vs MI Match Report: आयपीएल २०२६ मधील ६९ व्या थरारक सामन्यात मुंबई इंडियन्सचा पराभव करत राजस्थान रॉयल्स प्लेऑफमध्ये पोहोचणारा चौथा संघ ठरला आहे. वानखेडे स्टेडियमवर राजस्थानने दिलेल्या २०६ धावांच्या आव्हानाचा पाठलाग करताना मुंबईकडून सूर्यकुमार यादवने ६० धावा केल्या, पण अव्वल फळी कोसळल्याने मुंबईला पराभवाचा सामना करावा लागला. सविस्तर अहवाल मराठीत वाचा.

rajasthan royals (फोटो- एक्स)

Mumbai Indians vs Rajasthan Royals, IPL 2026: राजस्थान रॉयल्सचा संघ हा आयपीएल २०२६ स्पर्धेतील प्लेऑफमध्ये प्रवेश करणारा चौथा संघ ठरला आहे. स्पर्धेतील ६९ वा सामना मुंबई इंडियन्स आणि राजस्थान रॉयल्स या दोन्ही संघांमध्ये पार पडला. राजस्थानला प्लेऑफमध्ये प्रवेश करण्यासाठी हा सामना जिंकणं अतिशय महत्वाचं होतं. प्रथम फलंदाजी करण्यासाठी आलेल्या राजस्थान रॉयल्सने प्रथम फलंदाजी करताना २०५ धावा केल्या होत्या. या आव्हानाचा पाठलाग करताना मुंबईकडून रोहित शर्माने दमदार अर्धशतकी खेळी केली. पण मुंबईला हा सामना ३० धावांनी गमवावा लागला आहे. या विजयासह राजस्थान रॉयल्सचा संघ हा आयपीएल २०२६ स्पर्धेतील प्लेऑफमध्ये प्रवेश करणारा चौथा संघ ठरला आहे.

मुंबई इंडियन्सला हा सामना जिंकण्यासाठी २०६ धावांचा डोंगर सर करायचा होता. या मोठ्या आव्हानाचा पाठलाग करण्यासाठी आलेल्या मुंबईला चांगल्या सुरुवातीची गरज होती. पण रोहित शर्मा शून्यावर माघारी परतला. तर रायन रिकल्टनने १२ धावा करुन पॅव्हेलियनची वाट धरली. नमन धीर ६ धावांवर बाद झाला. तर तिलक वर्मा अवघ्या ३ धावांवर बाद झाला. त्यानंतर सूर्यकुमार यादव आणि विल जॅक्सने मिळून संघाचा डाव सांभाळला. दोघांनी मिळून महत्वपूर्ण भागीदारी केली. विल जॅक्स ३३ धावांवर माघारी परतला. त्यानंतर हार्दिक पंड्याने १५ चेंडूत ३४ धावांची खेळी केली. तर सूर्यकुमार यादवने मुंबईला विजयापर्यंत पोहोचवण्याचा पूर्ण प्रयत्न केला. पण तो ६० धावांवर बाद होऊन माघारी परतला.

हेही वाचा

IPL Playoffs Scenario: लखनौला हरवलं, पण पंजाबचं प्लेऑफ गाठणं कठीण! PBKS, RR अन् KKR या तिन्ही संघांसाठी असं आहे समीकरण

राजस्थान रॉयल्सने केल्या २०५ धावा

राजस्थान रॉयल्सचा संघ नाणेफेक गमावून प्रथम फलंदाजी करण्यासाठी मैदानात उतरला होता. पण राजस्थानला हवी तशी सुरुवात करता आली नाही. यशस्वी जैस्वाल २७ धावांवर माघारी परतला. तर वैभव सूर्यवंशी अवघ्या ४ धावांवर माघारी परतला. सलामी जोडी स्वस्तात माघारी परतल्यानंतर ध्रुव जुरेलने ३८ धावांचे योगदान दिले. तर रियान पराग १४ धावांवर माघारी परतला. दासून शनाकाने २९ धावा केल्या. तर डोनोवन फरेराने १८ धावा केल्या. शेवटी जोफ्रा आर्चरने ३२ धावांची बहुमूल्य खेळी केली. तर रवींद्र जडेजाने १९ धावांची खेळी करून संघाची धावसंख्या ८ गडी बाद २०५ धावांवर पोहोचवली.