India vs England 2nd Test Match Updates : भारत आणि इंग्लंड यांच्यातील पाच कसोटी सामन्यांच्या मालिकेतील दुसरा सामना विशाखापट्टणम येथे खेळला जात आहे. या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे. या सामन्यातून रजत पाटीदारला भारताकडून कसोटी पदार्पण करण्याची संधी मिळाली आहे. या सामन्यात रजतशिवाय कुलदीप यादव आणि मुकेश कुमार यांचाही प्लेइंग इलेव्हनमध्ये समावेश करण्यात आला आहे.

या बातमीसह सर्व प्रीमियम कंटेंट वाचण्यासाठी साइन-इन करा

रजत पाटीदारला मिळाली पदार्पणाची संधी –

टीम इंडियाचा माजी वेगवान गोलंदाज झहीर खानने हस्ते रजत पाटीदारला पदार्पणाची कॅप मिळाली आहे. यापूर्वी दक्षिण आफ्रिका दौऱ्यात रजत पाटीदारला टीम इंडियासाठी वनडे क्रिकेटमध्ये पदार्पण करण्याची संधी मिळाली होती. रजत पाटीदारने प्रथम श्रेणी क्रिकेट आणि आयपीएलमध्ये चमकदार कामगिरी केली आहे, ज्यामुळे त्याला टीम इंडियामध्ये खेळण्याची संधी मिळाली आहे. त्याने अलीकडेच इंग्लंड लायन्सविरुद्धही धावा केल्या. पाटीदारने ५५ प्रथम श्रेणी सामन्यांमध्ये ४५ च्या सरासरीने ४००० धावा केल्या आहेत. या काळात त्याने १२ शतके आणि २२ अर्धशतके झळकावली आहेत.

जडेजा, राहुल आणि सिराज बाहेर –

रवींद्र जडेजा आणि केएल राहुल दुखापतीमुळे इंग्लंडविरुद्धच्या दुसऱ्या कसोटी सामन्यातून बाहेर पडले आहेत. तसेच वेगवान गोलंदाज मोहम्मद सिराजला या सामन्यात विश्रांती देण्यात आली आहे. या तीन खेळाडूंच्या जागी रजत पाटीदार, कुलदीप यादव आणि मुकेश कुमार यांचा संघाच्या प्लेइंग इलेव्हनमध्ये समावेश करण्यात आला आहे.

हेही वाचा – इंग्लंडच्या आक्रमणाला प्रत्युत्तर देण्यासाठी नव्या योजनांसह सज्ज! दुसऱ्या कसोटीत भारतीय संघाच्या दमदार पुनरागमनाचा भरतला विश्वास

भारतीय संघाचा युवा फलंदाज रजत पाटीदारचे भारताकडून कसोटी खेळण्याचे स्वप्न अखेर पूर्ण झाले आहे. त्याला केएल राहुलच्या जागी भारतीय संघाच्या प्लेइंग इलेव्हनमध्ये संधी मिळाली आहे. रजत देशांतर्गत क्रिकेटमध्ये सातत्याने चांगली कामगिरी करत आहे. अशा स्थितीत पदार्पणातही त्याला बॅटने चमत्कार करायला आवडेल. संघात प्रवेशासाठी रजत पाटीदार आणि सरफराज खान यांच्यात रंजक लढत झाली. मात्र, कर्णधार रोहित शर्माने सरफराजच्या जागी रजतला संघात स्थान दिले आहे.

दुसऱ्या कसोटीसाठी दोन्ही संघांची प्लेइंग इलेव्हन –

भारताची प्लेइंग इलेव्हन – यशस्वी जैस्वाल, रोहित शर्मा (कर्णधार), शुबमन गिल, रजत पाटीदार, श्रेयस अय्यर, श्रीकर भरत (यष्टीरक्षक), रविचंद्रन अश्विन, अक्षर पटेल, जसप्रीत बुमराह, मुकेश कुमार, कुलदीप यादव.

हेही वाचा – Video: सचिन ‘तेंडुलकर’ला भेटतो तेव्हा…! खुद्द मास्टर ब्लास्टरनंच शेअर केला व्हिडीओ; चाहत्याच्या चेहऱ्यावर तरळल्या लाखमोलाच्या भावना

इंग्लंडची प्लेइंग इलेव्हन – जॅक क्रोली, बेन डकेट, ऑली पोप, जो रूट, जॉनी बेअरस्टो, बेन स्टोक्स (कर्णधार), बेन फोक्स (यष्टीरक्षक), रेहान अहमद, टॉम हार्टली, शोएब बशीर, जेम्स अँडरसन.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Rajat patidar has got a chance to make his debut in the indian team in the 2nd test match against england in visakhapatnam vbm
First published on: 02-02-2024 at 10:43 IST