रविचंद्रन आश्विन पुन्हा काऊंटी क्रिकेटच्या मैदानात, नॉटिंगहॅमशायर संघाकडून खेळणार

सहा सामन्यांसाठी रविचंद्रन आश्विन करारबद्ध

भारतीय कसोटी संघाचा फिरकीपटू रविचंद्रन आश्विन यंदाच्या हंगामात काऊंटी क्रिकेटच्या मैदानात उतरणार आहे. नॉटिंगहॅमशायर संघाने यंदाच्या हंगामात सहा सामन्यांसाठी आश्विनला करारबद्ध केलं आहे. नॉटिंगहॅमशायर संघाने प्रसिद्धीपत्रक काढून आणि आपल्या सोशल मीडिया अकाऊंटवर यासंदर्भातली माहिती दिली आहे. जेम्स पॅटिन्सन या ऑस्ट्रेलियन खेळाडूच्या जागी आश्विनची संघात निवड करण्यात आली आहे.

३० जूनरोजी एसेक्स संघाविरुद्ध आश्विन आपला पहिला सामना खेळणार आहे. यानंतर सोमरसेट आणि सरे या संघांविरुद्ध सामन्यातही आश्विन खेळणार आहे. मात्र १८ ऑगस्टला यॉर्कशायर संघाविरुद्धचा सामना आश्विन खेळू शकणार नाहीये. यादरम्यान भारतीय संघ विंडीजविरुद्ध कसोटी सामना खेळणार आहे, त्यामुळे आश्विन या मालिकेसाठी भारतीय संघात परतेल.

या संधीबद्दल रविचंद्रन आश्विनने नॉटिंगहॅमशायर संघ प्रशासनाचे आभार मानले. आपल्या संघाला जास्तीत जास्त सामने जिंकवून देण्याचा माझा प्रयत्न असेल, असं आश्विनने म्हटलं आहे. मात्र कसोटी मालिका आटोपल्यानंतर आश्विन पुन्हा एकदा नॉटिंगहॅमशायर संघाकडून अखेरचे ३ सामने खेळू शकणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ravichandran ashwin to play for nottinghamshire in county championship

ताज्या बातम्या