RCB vs MI IPL 2026: आरसीबीचा मुंबईवर अखेरच्या चेंडूवर थरारक विजय! मुंबई इंडियन्स आयपीएल २०२६मधून बाहेर

सूर्यकुमार यादवने अखेरचं षटक टाकण्याची जबाबदारी राज अंगद बावाकडे दिली. राजला १५ धावा वाचवायच्या होत्या. राजने पहिला चेंडू वाईड, त्यानंतर नो बॉल टाकला. त्यानंतर पहिल्या चेंडूवर एक धाव मिळाली. त्यानंतर दुसरा चेंडू वाईड टाकला. यानंतर दुसरा लीगल चेंडू निर्धाव राहिला. तिसऱ्या लीगल चेंडूवर शेफर्ड झेलबाद झाला. त्यानंतर चौथा चेंडू पुन्हा वाईड यॉर्करच्या प्रयत्नात वाईड पडला. त्यानंतर मैदानावर आलेल्या भुवनेश्वरने एक षटकार लगावत सामना फिरवला. यानंतर २ चेंडूत ३ धावांची गरज होती. पाचव्या चेंडूवर भुवीने एक धाव घेतली. त्यानंतर रसिख सलामने स्ट्रेट मारलेला चेंडू राज थांबताना चुकला, त्यामुळे रसिखने २ धावा केल्या. त्यामुळे मुंबईने २ विकेट्सने सामना गमावला. यासह मुंबई स्पर्धेतून बाहेर झाली आहे.

गझनफरच्या १८व्या षटकात कृणालने मोठा फटका खेळला आणि सीमारेषेवर नमन धीरने झेल टिपला, पण त्याचा तोल जाणार कळताच त्याने तिलकच्या दिशेने चेंडू फेकला. पण तिलकने चेंडू टिपला नाही आणि मैदानावर पडला. त्यानंतर कृणालने दोन षटकार मारले आणि संघासाठी महत्त्वपूर्ण खेळी केली. क्रॅम्प येत असतानाही संघासाठी त्याने महत्त्वपूर्ण खेळी हे खऱंच वाखाणण्याजोग होतं. त्यानंतर अखेरच्या षटकात मोठा फटका खेळण्याच्या प्रयत्नात तिलक वर्माने बनी हॉप कॅच टिपत त्याला झेलबाद केलं.

कार्बिन बॉशच्या १६व्या षटकात दोन षटकार आल्यानंतर जितेश शर्मा अजून एक मोठा फटका खेळण्याच्या प्रयत्नात झेलबाद झाला. यासह आता आऱसीबीला विजयासाठी २५ चेंडूत ३६ धावांची गरज आहे.

कार्बिन बॉश १३ व्या षटकात फलंदाजीला आला आणि पुन्हा एकदा त्याने पहिल्या चेंडूवर विकेट घेत संघाला ब्रेकथ्रू मिळवून दिला. जेकब बेथल मोठा फटका खेळण्याच्या प्रयत्नात झेलबाद झाला.

दीपक चहर तिसरं षटक टाकण्यासाठी आला, त्याने सुरूवातीचे चारही चेंडू देवदत्त पडिक्कलला डॉट टाकले. यानंतर पाचव्या शॉर्ट बॉलवर त्याने दणदणीत षटकार खेचला. यानंतर सहाव्या चेंडूवर चहरने कमालीच्या लाईन लेंग्थसह चेंडू टाकत पडिक्कलला झेलबाद केलं. यासह आरसीबीची अवस्था ३ षटकांत २ बाद २४ धावा अशी आहे.

रॉयल चॅलेंजर्स बंगळुरूच्या गोलंदाजांनी भेदक गोलंदाजी करत मुंबईच्या धावांना चांगलाच ब्रेक लावला. रसिख सलाम दरने तर अखेरच्या चेंडूत मुंबईला एकही मोठा फटका खेळण्याच्या संधी मिळाली नाही. भुवनेश्वर कुमारने ४ विकेट्स घेत तर मुंबईच्या फलंदाजी फळीचं कंबरडं मोडलं. यासह मुंबईने नमन धीरच्या व तिलक वर्माच्या अर्धशतकी खेळीच्या बळावर २० षटकांत ७ बाद १६६ धावा केल्या आहेत. यासह आरसीबीला विजयासाठी फक्त १६७ धावांचं लक्ष्य दिलं आहे.

तिलक वर्माने संघाचा डाव सावरत सावधपणे फलंदाजी करत आपलं अर्धशतक केलं आहे. तिलकने ३७ चेंडूत २ चौकार व २ षटकारांसह अर्धशतक पूर्ण केलं.

रसिख सलाम दर १३वं षटक टाकण्यासाठी आला, नमन धीरने षटकाच्या सुरूवातीच्या दोन चेंडूत चौकार खेचले आणि तिसऱ्या चेंडूवर रसिखने त्याला क्लीन बोल्ड केलं. नमन चेंडू खेळायला चुकला आणि बोल्ड होत माघारी परतला. नमन ३२ चेंडूत ५ चौकार व २ षटकारांसह ४७ धावा करत बाद झाला. तर मुंबईचा डाव सावरणारी तिलक व नमनची ५७ चेंडूत केलेली ८२ धावांची भागीदारी मोडली.

मुंबई इंडियन्सने पॉवरप्लेमध्ये ३ विकेट्स गमावत सुरूवात केली. तरीही मुंबईने ६ षटकांत ५३ धावा केल्या आहेत. नमन धीर व तिलक वर्माच्या जोडीने संघाचा डाव सावरला.

रोहित शर्माने जोश हेझलवूडच्या षटकात वादळी फटकेबाजी केली. रोहितने दुसऱ्या चेंडूवर चौकार व अखेरच्या दोन चेंडूंवर दोन षटकार लगावत संघाला दणक्यात सुरूवात करून दिली.

मुंबई इंडियन्स आणि आरसीबी यांच्यातील सामन्याला सुरूवात झाली आहे. मुंबईकडून रोहित शर्मा व रायन रिकल्टनची जोडी मैदानावर उतरली आहे. तर स्विंगचा किंग भुवनेश्वर कुमारने गोलंदाजीला सुरूवात केली आहे.

रोहित शर्मा, रायन रिकेल्टन (यष्टीरक्षक), नमन धीर, सूर्यकुमार यादव (कर्णधार), तिलक वर्मा, विल जॅक्स, राज अंगद बावा, कॉर्बिन बॉश, दीपक चहर, जसप्रीत बुमराह, एएम गझनफर

आयपीएल २०२६ मधील रॉयल चॅलेंजर्स बंगळुरूविरूद्ध सामन्याच्या नाणेफेकीसाठी सूर्यकुमार यादव आला, त्यामुळे या सामन्यातही मुंबईचं नेतृत्त्व सूर्यकुमार यादव करणार आहे. हार्दिक पंड्या आरसीबीविरूद्ध खेळताना दिसणार नाही.