Roger Federer emotional farewell with tearful eyes; Even Rafael Nadal can't hold back tears, Video Viral | Loksatta

Roger Federer Video : भरल्या डोळ्यांनी रॉजर फेडररला भावनिक निरोप; राफेल नदाललाही अश्रू आवरणे कठीण

४१ वर्षीय रॉजर फेडररने शुक्रवारी, २३ सप्टेंबरला अखेरचा सामना खेळाला. मात्र, सामन्यानंतर त्याला आपले अश्रू आवरणे कठीण झाले.

Roger Federer Video : भरल्या डोळ्यांनी रॉजर फेडररला भावनिक निरोप; राफेल नदाललाही अश्रू आवरणे कठीण
स्पॅनिश टेनिस स्टार राफेल नदाल यानेही फेडररला भरल्या डोळ्यांनी भावनिक निरोप दिला. (Twitter : @LaverCup)

स्वित्झर्लंडचा अव्वल टेनिसपटू रॉजर फेडरर याने काही दिवसांपूर्वीच निवृत्ती जाहीर केली. दरम्यान ४१ वर्षीय फेडररने शुक्रवारी, २३ सप्टेंबरला अखेरचा सामना खेळाला. मात्र, सामन्यानंतर त्याला आपले अश्रू आवरणे कठीण झाले. यावेळी चाहत्यांनीच नाही, तर जोडीदार राफेल नदाल यानेही फेडररला भरल्या डोळ्यांनी भावनिक निरोप दिला. या सामन्यादरम्यान स्पॅनिश टेनिस स्टार राफेल नदाल फेडररचा जोडीदार होता.

आपल्या शेवटच्या सामन्यात मात्र फेडररला विजयाची गवसणी घालता आली नाही. लंडन येथे खेळवण्यात आलेल्या या सामन्यात अमेरिकेचे फ्रान्सिस टियाफो आणि जॅक सॉक हे फेडररचे प्रतिस्पर्धी होते. या सामन्यात त्याला ४-६, ७-६ (२), ११-९ ने हार पत्करावी लागली. या मॅचनंतर फेडररला भावनिक निरोप दिला गेला.

दरम्यान, या क्षणांचे व्हिडीओ तुफान व्हायरल झाले आहेत. या व्हिडीओमध्ये, सामान्यांच्या अखेरीस फेडररच्या डोळ्यातील अश्रू आपण स्पष्टपणे पाहू शकतो. त्याच्याच शेजारी बसलेला राफेल नदालही आपले अश्रू रोखू शकला नाही. यानंतर सर्बियाचे स्टार प्लेअर नोवाक जोकोविच यांच्यासह अनेक खेळाडू तिथे उपस्थित होते. फेडररने त्यांची भेट घेऊन त्यांना आणि टेनिस खेळाला निरोप दिला. यावेळी राफेल नदालसह इतर खेळाडूही भावूक झाले.

पुरुष एकेरीत सर्वाधिक ग्रँड स्लॅम जेतेपदे जिंकण्याच्या बाबतीत रॉजर फेडरर तिसऱ्या क्रमांकावर आहे. त्याने आतापर्यंत २२ ग्रँडस्लॅम जेतेपदे जिंकली आहेत. तर सर्वाधिक २२ ग्रँड स्लॅम जेतेपदे जिंकून राफेल नदाल या यादीत अव्वल स्थानावर आहे. २८ जानेवारी २०१८ रोजी ऑस्ट्रेलियन ओपनमध्ये फेडररने आपले शेवटचे ग्रँड स्लॅम जेतेपदे जिंकले. त्यानंतर त्याने क्रोएशियाच्या मारिन सिलिकचा पराभव केला. त्यावेळी २० ग्रँडस्लॅम जिंकणारा तो पहिला पुरुष खेळाडू ठरला. मात्र, या वर्षाच्या शेवटी राफेल नदालने त्याचा विक्रम मोडला.

फेडररने १५ सप्टेंबर रोजी सोशल मीडिया पोस्ट शेअर करून टेनिसमधून निवृत्तीची घोषणा केली. फेडरने लिहिले, ‘मी ४१ वर्षांचा आहे. मी या २४ वर्षात १५००हून अधिक सामने खेळले आहेत. टेनिसने मला पूर्वीपेक्षा जास्त उदारतेने वागवले आहे आणि आता माझी स्पर्धात्मक कारकीर्द कधी संपेल हे मला जाणून घ्यावे लागेल.’

सर्वाधिक पुरुष एकेरी ग्रँडस्लॅम विजेते :

१. राफेल नदाल (स्पेन) – २२ (ऑस्ट्रेलियन – २, फ्रेंच – १४, विम्बल्डन – २, यूएस – ४)

२. नोव्हाक जोकोविच (सर्बिया) – २१ (ऑस्ट्रेलियन – ९, फ्रेंच – २, विम्बल्डन – ७, यूएस – ३)

३. रॉजर फेडरर (स्वित्झर्लंड) – २० (ऑस्ट्रेलियन – ६, फ्रेंच – १, विम्बल्डन – ८, यूएस – ५)

४. पीट सॅम्प्रास (यूएसए) – १४ (ऑस्ट्रेलियन – २, फ्रेंच – ०, विम्बल्डन – ७, यूएस – ५)

ऑस्ट्रेलियन ओपननंतर फेडररवर वयाचा प्रभाव स्पष्टपणे दिसून येत होता. त्याचा फॉर्मही घसरला. दुखापतीमुळे फेडररला यावर्षी एकाही ग्रँडस्लॅममध्ये भाग घेता आला नाही. फेडररने शेवटच्या वेळी २०२१ फ्रेंच ओपनमध्ये भाग घेतला होता.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Ind vs Aus : नागपूरमधील सामन्यानंतर द्रविडची ‘ती’ कृती सर्वांनाच भावली; ‘हा माणूसच वेगळा आहे’ म्हणत होतोय कौतुकाचा वर्षाव

संबंधित बातम्या

Video: लोकलच्या गर्दीत ‘ती’ बाई हट्ट धरून बसली; रेल्वेचालक खाली उतरला अन म्हणाला, “आधी चल.. “
अहो ऐकता का.. चोरट्या बाईने ‘हे’ एक वाक्य म्हणत सोनाराला घातला लाखोंचा गंडा; Video बघा आणि सावध व्हा
Video: कॉलेजमध्ये बेभान नाचू लागल्या ४ तरुणी; ‘या’ अदा पाहताच नेटकरी झाले फिदा, तुम्हीही पाहा
FIFA World Cup 2022: आजपासून सुपर-१६ लढतींचा थरार, पाहा सर्व सामन्यांचे वेळापत्रक
रशियातही ‘पुष्पा’ फिव्हर, ‘सामी सामी’ गाण्यावर रशियन महिला थिरकल्या, चिमुकल्यांचाही भन्नाट डान्स, Video होतोय तुफान Viral

व्हिडिओ

ताज्या बातम्या
शेजारी बसलेल्या शाहरुख खानला ओळखू शकली नाही ‘ही’ अभिनेत्री; नेटकरी म्हणाले…
विश्लेषण: फिफा वर्ल्ड कपमध्ये मोरोक्को, जपान बलाढ्य युरोपिय देशांपुढे आपापल्या गटांत अव्वल कसे राहिले?
“मी मुख्यमंत्री एकनाथ शिंदेंच्या बाजुला उभा राहीन आणि पोलीस पाकीट मारल्याचा…”, जितेंद्र आव्हाडांचं ट्वीट चर्चेत
प्लास्टिकचा कचरा द्या आणि मोफत चहा प्या! उदयपूरच्या युवकाचा स्वच्छतेसाठी भन्नाट उपक्रम; पाहा Video
बांगलादेशी आणि रोहिंग्यांबद्दलचं वक्तव्य परेश रावल यांना पडलं महागात; माफी मागूनही तक्रार दाखल