टीम इंडियाने वेस्ट इंडीजला वनडे मालिकेत ३-० अशी धूळ चारली आहे. अहमदाबादच्या नरेंद्र मोदी स्टेडियमवर रंगलेल्या तिसऱ्या वनडेत भारताने ९६ धावांनी दणदणीत विजय नोंदवला. टीम इंडियाचा पूर्णवेळ कप्तान म्हणून रोहित शर्माचा हा पहिला वनडे मालिकाविजय आहे. या विजयासह एक मोठा पराक्रम केला आहे.

भारतीय संघाने पहिल्यांदाच वेस्ट इंडीजला वनडे मालिकेत व्हाइटवॉश दिला आहे. भारताने एकूण १२व्यांदा एखाद्या संघाला वनडेत व्हाइटवॉश दिला. महेंद्रसिंह धोनी आणि विराट कोहली यांनी वनडे मालिकेत कर्णधार म्हणून तीन वेळा विरोधी संघाला क्लीन स्वीप दिला आहे. याशिवाय कपिल देव, दिलीप वेंगसरकर, मोहम्मद अझरुद्दीन, गौतम गंभीर आणि अजिंक्य रहाणे यांनीही वनडे मालिकेत त्यांच्यासमोरच्या संघाला एकदा व्हाइटवॉश दिला आहे.

Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
Australia vs New Zealand 1st Match Updates in Marathi
NZ vs AUS : ग्रीन-हेझलवूडची शेवटच्या विकेटसाठी विक्रमी भागीदारी, कॅमेरूनच्या शतकाने सावरला ऑस्ट्रेलियाचा डाव
Ranji Trophy Mumbai's Tushar Deshpande and Tanush break the 78 year old record by scoring centuries against Baroda
Ranji Trophy : मुंबईच्या तुषार-तनुषने मोडला ७८ वर्षांपूर्वीचा विक्रम, बडोद्याविरुद्ध खेळताना रचला इतिहास
Sarfaraz Khan's Cricket Journey
Sarfaraz Khan : ‘…तर रेल्वेमध्ये कपडे विकायला जाऊ शकतो’, सर्फराझच्या वडिलांना आठवला ‘तो’ भावनिक प्रसंग

हेही वाचा – IND vs WI 3rd ODI : भारताचा ९६ धावांनी दणदणीत विजय; रोहितसेनेनं ३-०नं जिंकली मालिका!

या सामन्यात रोहितने नाणेफेक जिंकून प्रथम फलंदाजी करण्याचा निर्णय घेतला. ५० षटकात भारतीय संघाचा डाव २६५ धावांवर आटोपला. आघाडीची फळी उद्ध्वस्त झाल्यानंतर श्रेयस अय्यर आणि ऋषभ पंत यांनी अर्धशतके ठोकली. प्रत्युत्तरात वेस्ट इंडीजचा संघ १६९ धावांपर्यंतच पोहोचू शकला. प्रसिध कृष्णा, दीपक चहर आणि मोहम्मद सिराज या भारताच्या वेगवान त्रिकुटाने जबरदस्त गोलंदाजी करत सामना भारताच्या बाजूने झुकवला. श्रेयस अय्यरला सामनावीर, तर प्रसिध कृष्णाला मालिकावीर पुरस्काराने गौरवण्यात आले.