Rohit Sharma On The Field During Video Viral in IND vs AUS 5th Test : भारतीय कर्णधार रोहित शर्मा बॉर्डर गावस्कर ट्रॉफीचा शेवटचा सामना खेळत नाहीये. सतत फॉर्मशी झगडत असलेल्या रोहितने या सामन्यातून बाहेर बसण्याचा निर्णय घेतला आहे. मात्र, त्याला संघातून वगळण्यात आल्याचेही बोलले जात आहे. या सामन्यासाठी घोषित करण्यात आलेल्या १६ खेळाडूंच्या यादीत रोहित शर्माचे नाव नव्हते. सामन्याच्या पहिल्या दिवशी तो मैदानावरही दिसला नाही. मात्र, दुसऱ्या दिवशी भारतीय कर्णधार रोहित मैदानात दिसला आणि आपल्या कृतीने सर्वांची मनं जिंकली. त्याचा व्हिडीओ आणि फोटो तुफान व्हायरल होत आहेत.

सिडनी क्रिकेट मैदानावर दुसऱ्या दिवशी खेळाच्या पहिल्या तासानंतर ड्रिंक्स ब्रेक होता. यामध्ये प्लेइंग इलेव्हनच्या बाहेर बसलेले खेळाडू आपल्या सहकाऱ्यांसाठी ड्रिंक्स घेऊन मैदानात पोहोचले. यामध्ये कर्णधार रोहित शर्माचाही समावेश आहे. मैदानावर गेल्यानंतर त्याने या सामन्यात कर्णधार असलेल्या जसप्रीत बुमराह आणि ऋषभ पंत यांच्याशी चर्चा केली. हे तिघेही संघातील इतर खेळाडूंपासून वेगळे उभे राहून बोलतांना दिसले.

IND vs ENG Gautam Gambhir may be unhappy with Rohit Sharma duos intense chat triggers speculations after video viral
IND vs ENG : गौतम गंभीर रोहित शर्मावर नाराज? सामन्यानंतरचा VIDEO व्हायल झाल्यानंतर चर्चेला उधाण
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
IND vs ENG Fans asked Rohit Sharme retire from the ODI after he dismissed for just 2 runs in Nagpur
IND vs ENG : ‘रोहित शर्माला निवृत्ती घ्यायला सांगा…’, दोन धावांवर बाद झाल्यानंतर चाहत्यांनी हिटमॅनला केले ट्रोल
IND vs ENG Kevin Pietersen statement on Virat Kohli and Rohit Sharma During the discussion of Retirement
IND vs ENG : ‘विराट-रोहित रोबो नाहीत…’, वनडे मालिकेपूर्वी इंग्लंडच्या माजी कर्णधाराचं मोठं वक्तव्य; म्हणाला, ‘लोकांनी त्यांना…’
BCCI Asks Rohit Sharma to Decide About Future Plans in Cricket After Champions Trophy
Rohit Sharma: रोहित शर्माच्या कारकिर्दीला चॅम्पियन्स ट्रॉफीनंतर पूर्णविराम? BCCIने निर्णयासाठी रोहितला दिली मुदत, नेमकी काय चर्चा झाली?
Rohit Sharma Viral Video of BCCI Awards on Smriti mandhana Question
VIDEO: “माझी बायको बघत असेल…”, विसरभोळ्या रोहित शर्माचं स्मृती मानधनाच्या प्रश्नावर भलतंच उत्तर; नेमकं काय घडलं?
will be Rohit Sharma and Virat Kohlis last match at Nagpur ground
रोहित शर्मा, विराट कोहलीचा नागपूरच्या मैदानावर अंतिम सामना?
Rohit Sharma complains to BCCI about Sunil Gavaskar after blames his criticism BGT in Australia
Rohit Sharma : रोहित शर्माने बीसीसीआयकडे केली सुनील गावस्करांची तक्रार? नेमकं काय आहे कारण? जाणून घ्या

रोहित शर्मा अजूनही भारतीय कसोटी संघाचा नियमित कर्णधार आहे. बुमराह सिडनीमध्ये कार्यकारी कर्णधार म्हणून संघाचे नेतृत्त्व करत आहे. बुमराह आणि पंतशिवाय रोहितने मैदानावर वेगवान गोलंदाज मोहम्मद सिराजशीही चर्चा केली. रोहितच्या हातात पाणी किंवा छत्री नव्हती. सहकारी खेळाडूंशी बोलण्यासाठीच तो मैदानात पोहोचल्याचे दिसत होते.

हेही वाचा – Jasprit Bumrah : जसप्रीत बुमराहने घडवला इतिहास! ऑस्ट्रेलियात ‘हा’ मोठा पराक्रम करणारा पहिलाच भारतीय गोलंदाज

दुसऱ्या दिवशी लंच ब्रेकपर्यंत ऑस्ट्रेलियाने पहिल्या डावात पाच गडी गमावून १०१ धावा केल्या होत्या. सध्या ब्यू वेबस्टर २८ धावांवर नाबाद असून ॲलेक्स कॅरी चार धावांवर नाबाद आहे. भारताने पहिल्या डावात १८५ धावा केल्या होत्या. या बाबतीत ऑस्ट्रेलियन संघ अजूनही ८४ धावांनी मागे आहे. आज ऑस्ट्रेलियाने एका विकेटवर नऊ धावांवर खेळण्यास सुरुवात केली आणि ९२ धावा करताना चार विकेट गमावल्या.

हेही वाचा – IND vs AUS : मिचेल स्टार्कच्या वेगवान माऱ्याने ऋषभ पंत घायाळ, पट्टी बांधून खेळतानाचा VIDEO व्हायरल

शुक्रवारीच उस्मान ख्वाजा दोन धावा करून बुमराहचा बळी ठरला. यानंतर आज बुमराहने मार्नस लबूशेनला यष्टिरक्षक पंतकरवी झेलबाद केले. त्याला दोन धावा करता आल्या. तेव्हा सिराजचा कहर दिसला. त्याने डावाच्या १२व्या षटकात सॅम कॉन्स्टास आणि ट्रॅव्हिस हेडला बाद केले. कॉन्टासला २३ तर हेडला चार धावा करता आल्या. यानंतर प्रसिध कृष्णाने स्टीव्हन स्मिथला राहुलकरवी झेलबाद केले. त्याला ३३ धावा करता आल्या.

Story img Loader