Team India: रोहित-विराटच्या भविष्याबाबत BCCI चा मोठा प्लॅन; वनडे वर्ल्डकप खेळणार का? देवजीत सैकिया म्हणाले…

पीटीआयसोबत बोलताना देवजीत सैकिया म्हणाले की, “२०२७ वर्ल्डकपची तयारी सुरु झाली आहे. या तयारीसाठी क्रिकेटशी संबधित दिग्गज आणि महत्वाच्या लोकांची हवी ती गरज घेतली जात आहे.” सैकिया यांनी विराट आणि रोहितच्या भविष्याबाबतही भाष्य केलं. ते म्हणाले की,”रोहित शर्मा आणि विराट कोहलीसारख्या वरिष्ठ खेळाडूंबाबतही प्लॅनिंग केलं जात आहे, पण ते इतक्यात माध्यमांना किंवा इतर लोकांना सांगता येणार नाही. जे काही निर्णय घेतले जातात, त्यामध्ये क्रिकेट कमेटी, निवडकर्ते, सपोर्ट स्टाफ, मुख्य प्रशिक्षक आणि खेळाडूंचाही समावेश असतो. आमच्या चर्चा सुरुच असतात.”

रोहित शर्मा सध्या सुरु असलेली भारत- अफगाणिस्तान वनडे मालिका खेळण्यात व्यस्त आहे. आयपीएल स्पर्धेदरम्यान तो दुखापतग्रस्त झाला होता. त्यामुळे तो काही सामने खेळू शकला नव्हता. त्यानंतर तो अफगाणिस्तानविरूद्धची वनडे मालिका खेळणार की नाही? असा प्रश्न उपस्थित केला गेला होता. अखेर त्याने पुनरागमन केलं. पहिल्या सामन्यात त्याला चांगली सुरुवात मिळाली होती, पण तो धावबाद होऊन माघारी परतला होता. त्यानंतर दुसऱ्या सामन्यातही त्याला चांगली सुरुवात मिळाली होती. पण तो ४८ धावांवर माघारी परतला होता. आता तिसऱ्या सामन्यात त्याच्याकडून चांगल्या कामगिरीची अपेक्षा असणार आहे.

या मालिकेसाठी रोहित शर्मासह विराट कोहलीला देखील संघात स्थान देण्यात आलं होतं. पण मालिका सुरु होण्याआधीच दुखापतीमुळे त्याला या मालिकेतून माघार घ्यावी लागली आहे. आयपीएल स्पर्धेदरम्यान विराटला देखील दुखापत झाली होती. या दुखापतीतून तो सावरु शकलेला नाही. पण इंग्लंड दौऱ्यावर तो पुनरागमन करु शकतो. इंग्लंड दौऱ्यावर टी-२० सह वनडे मालिका देखील खेळवली जाणार आहे. या मालिकेत विराट-रोहितची जोडी एकत्र खेळताना दिसू शकते.