Rohit Sharma wife Ritika Sajdeh shares viral protest child video: भारताचा माजी कर्णधार रोहित शर्माची पत्नी रितिका सजदेह हिने तिच्या इन्स्टाग्राम स्टोरीवर जंतर-मंतर येथे सुरू असलेल्या ‘कॉकरोच जनता पार्टी’च्या आंदोलनात सहभागी झालेल्या एका लहान मुलाचा व्हिडीओ शेअर केला आहे. हा व्हिडीओ सोशल मीडियावर वेगाने व्हायरल होत असून, त्या मुलाच्या निर्भीड वक्तव्याची आणि देशभक्तीची जोरदार चर्चा सुरू आहे.
सध्या दिल्लीत सुरू असलेल्या आंदोलनात मुख्यत्वे विद्यार्थी, युवक आणि विविध सामाजिक संघटना सहभागी झाल्या आहेत. या आंदोलनात शैक्षणिक व्यवस्थेतील कथित अनियमितता, स्पर्धा परीक्षांमधील पेपरफुटी, रोजगाराच्या संधी आणि शिक्षण व्यवस्थेतील सुधारणांची मागणी करण्यात येत आहे. जंतर-मंतर परिसरात आंदोलन सुरू असून, काही ठिकाणी पोलिस आणि आंदोलकांमध्ये धक्काबुक्की व तणावाचे प्रसंगही घडले आहेत. आंदोलनकर्त्यांनी आपल्या मागण्या मान्य होईपर्यंत आंदोलन सुरू ठेवण्याचा निर्धार व्यक्त केला असून, राजधानीत सुरक्षा व्यवस्थाही कडक करण्यात आली आहे.
रितिका सजदेहने शेअर केलेल्या व्हायरल व्हिडीओमध्ये तो मुलगा PEEK TV या चॅनेलशी बोलताना दिसतो. यावेळी तो “मला पोलिसांच्या लाठ्यांची किंवा मारण्याची भीती नाही. भगतसिंग यांच्याप्रमाणे मला देशासाठी लढायचं आहे,” असं ठामपणे सांगत आहे. एवढ्या लहान वयात त्याने व्यक्त केलेल्या देशभक्तीच्या भावना आणि निर्भय भूमिकेमुळे आंदोलनस्थळी उपस्थित नागरिकांनी त्याच्या वक्तव्याला जोरदार दाद दिली. रितिका सजदेहनेही हा व्हिडीओ आपल्या इन्स्टाग्राम स्टोरीवर शेअर केल्याने तो आणखी चर्चेत आला आहे.
रोहित शर्माची पत्नी रितिका सजदेह हिने हा व्हिडीओ कोणतीही वैयक्तिक प्रतिक्रिया न देता आपल्या इन्स्टाग्राम स्टोरीवर शेअर केला. तिने या विषयावर कोणतंही मत व्यक्त केलं नसलं, तरी तिच्या या रीपोस्टची सोशल मीडियावर जोरदार चर्चा रंगली. अनेकांनी या कृतीचे वेगवेगळे अर्थ लावत प्रतिक्रिया व्यक्त केल्या, तर तिची इन्स्टाग्राम स्टोरी इतर सोशल मीडिया प्लॅटफॉर्मवरही मोठ्या प्रमाणात व्हायरल झाली.
दरम्यान, दिल्लीतील जंतर-मंतर येथे सुरू असलेल्या ‘कॉकरोच जनता पार्टी’ आंदोलनाने गेल्या काही दिवसांत सोशल मीडियावर मोठं लक्ष वेधून घेतलं आहे. आंदोलनातील अनेक व्हिडीओ व्हायरल झाले असून, त्यापैकी एका लहान मुलाने केलेलं भाषण सर्वाधिक चर्चेत आलं आहे. हाच व्हिडीओ रितिका सजदेहने आपल्या इन्स्टाग्राम स्टोरीवर शेअर केल्याने या प्रकरणाची आणखी चर्चा सुरू झाली.
सोशल मीडियावर सक्रिय असलेली रितिका सजदेह आपल्या वैयक्तिक आयुष्यातील क्षण, कुटुंबासोबतचे फोटो-व्हिडीओ तसेच समाजातील विविध घडामोडींशी संबंधित पोस्ट नेहमीच शेअर करत असते. अशातच तिने या आंदोलनातील लहान मुलाचा व्हिडीओ आपल्या इन्स्टाग्राम स्टोरीवर रीपोस्ट केल्यामुळे तो आणखी मोठ्या प्रमाणात लोकांपर्यंत पोहोचला आणि या आंदोलनाकडे तसेच त्या मुलाच्या मेसेजकडे अनेकांचे लक्ष वेधले गेले.
