WPL 2026: WPL च्या इतिहासात असं पहिल्यांदाच घडलं! RCB च्या नावे मोठ्या रेकॉर्डची नोंद

या सामन्यात रॉयल चॅलेंजर्स बंगळुरू संघाने नाणेफेक जिंकून प्रथम गोलंदाजी करण्याचा निर्णय घेतला. त्यामुळे दिल्ली कॅपिटल्स संघाकडे मोठी धावसंख्या उभारण्याची संधी होती. दिल्लीच्या फलंदाजांनी असच काहीतरी केलं. दिल्लीकडून पहिल्या डावात फलंदाजी करताना लिजेल ली ने ३७ धावांची खेळी केली. तर शफाली वर्माने २० धावा केल्या. तर शेवटी लॉरा वोल्वार्ड्टने ४४ धावा केल्या. तर कर्णधार जेमिमा रॉड्रिग्जने ३७ चेंडूत ५७ धावांची खेळी केली. शेवटी शिनेल हेनरीने १५ चेंडूत नाबाद ३५ धावा केल्या. या खेळीच्या बळावर दिल्ली कॅपिटल्सने ४ गडी बाद २०३ धावांचा डोंगर उभारला. याआधी कुठल्याही संघाने इतक्या मोठ्या धावांचा डोंगर उभारला नव्हता.

रॉयल चॅलेंजर्स बंगळुरू संघाने घडवला इतिहास

हा सामना जिंकून रॉयल चॅलेंजर्स बंगळुरू संघाने इतिहास घडवला आहे. याआधी महिला प्रीमियर लीग स्पर्धेच्या अंतिम सामन्यात कुठल्याही संघाने इतक्या मोठ्या धावांचा यशस्वी पाठलाग केला नव्हता. आता रॉयल चॅलेंजर्स बंगळुरू संघाने नवा इतिहास लिहिला आहे. याआधी कुठलाच संघ अंतिम फेरीत २०० धावांचा पल्ला गाठू शकला नव्हता. याआधी महिला प्रीमियर लीग स्पर्धेतील अंतिम सामन्यात मुंबई इंडियन्सने सर्वाधिक १४९ धावा केल्या होत्या. १५० धावांचा पाठलाग करताना दिल्ली कॅपिटल्सने १४१ धाव केल्या होत्या.

रॉयल चॅलेंजर्स बंगळुरूने दुसऱ्यांदा पटकावलं जेतेपद

रॉयल चॅलेंजर्स बंगळुरू संघाने दिल्ली कॅपिटल्सला पराभूत करून दुसऱ्यांदा जेतेपदाची ट्रॉफी उंचावली आहे. याआधी देखील २०२४ मध्ये झालेल्या हंगामात रॉयल चॅलेंजर्स बंगळुरू संघाने दिल्ली कॅपिटल्सला पराभूत करून जेतेपदाचा मान पटकावला होता.