नवी दिल्ली : आपल्या मुलाने क्रिकेटवर लक्ष केंद्रित करू नये असे पोलीस अधिकारी असलेल्या आईला वाटत होते. मात्र, आपला मुलगा क्रिकेटच्या २२ यार्डाच्या खेळपट्टीवरच रमणार हे वडिलांना माहीत होते. वडिलांनी बीडमध्ये ११ यार्डाच्या हिरवळीवर त्याचा सराव करवून घेतला. याच खेळपट्टीवरून भारताचा युवा फलंदाज सचिन धस उदयास आला.

दक्षिण आफ्रिकेत सुरू असलेल्या युवा (१९ वर्षांखालील) विश्वचषक क्रिकेट स्पर्धेतून भारताचा उद्याचा तारा क्रिकेटच्या नभागंणावर अवतरला असे म्हणण्याइतकी सचिनची कामगिरी झाली आहे. या विश्वचषकात ११६.६६च्या स्ट्राईक रेटने त्याच्या नावावर २९४ धावा जमा असून स्पर्धेतील सर्वोत्तम विजयवीरांमध्ये (फिनिशर) त्याची गणना केली जात आहे. ‘सुपर सिक्स’ फेरीत नेपाळविरुद्ध शतकी खेळी केल्यानंतर उपांत्य फेरीत त्याने दक्षिण आफ्रिकेविरुद्ध केलेली ९६ धावांची निर्णायक ठरली. २४९ धावांचा पाठलाग करताना भारताची ४ बाद ३२ अशी स्थिती झाली होती. यातून सचिन आणि कर्णधार उदय सहारन यांनी भारताला बाहेर काढले. त्यामुळे भारताला नवव्यांदा अंतिम फेरीत धडक मारता आली.  

salman khan firing accused Sagar pal father reaction
सलमान खानच्या घरावर गोळ्या झाडणाऱ्या आरोपीच्या वडिलांची पहिली प्रतिक्रिया, म्हणाले, “तो खूप…”
IPL 2024 Chennai Punjab Kings vs Sunrisers Hyderabad Match Updates in Marathi
IPL 2024: हर्षल पटेलच्या गोलंदाजीवर सॅम करनने केली रिव्ह्यूची मागणी, करनच्या चतुराईमुळे असा बाद झाला राहुल त्रिपाठी; पाहा VIDEO
Who is Angkrish Raghuvanshi
IPL 2024 : कोण आहे अंगक्रिश रघुवंशी? ज्याने सुनील नरेनच्या साथीने दिल्ली कॅपिटल्सच्या गोलंदाजांची केली धुलाई
Mayank bowls the fastest ball in IPL 2024
LSG vs PBKS : बुमराह किंवा शमीला नव्हे, तर दक्षिण आफ्रिकेच्या ‘या’ खेळाडूला मयंक यादव मानतो आपला आदर्श

हेही वाचा >>>SAT20 : डर्बन सुपर जायंट्सविरुद्ध एडन मार्करमने घेतला अफलातून झेल, पाहा VIDEO

‘‘सचिन माझ्याकडे सर्वप्रथम आला, तेव्हा तो अवघा साडेचार वर्षांचा होता. बीडमध्ये त्या वेळेस पूर्ण खेळपट्टय़ा नव्हत्या. दक्षिण आफ्रिकेला जाण्यापूर्वीही तो अध्र्या टर्फवरच सराव करत होता,’’ असे सचिनमधील क्रिकेटपटूला पैलू पाडणारे प्रशिक्षक शेख अझर यांनी सांगितले.  वडील संजय हे सचिन तेंडुलकरचे मोठे चाहते. त्यामुळेच २००५ मध्ये मुलाचा जन्म झाल्यावर त्यांनी त्याचे नाव सचिन असेच ठेवले. हा सचिन त्याच सचिनसारखी १० क्रमांकाची जर्सी घालत असला, तरी तो विराट कोहलीचा चाहता आहे.