Vijay Hazare: ३२ चेंडूत शतक! बिहारच्या कर्णधाराची लिस्ट ए मधील सर्वात जलद शतकी खेळी, १८ चौकार षटकारांसह पाडला धावांचा पाऊस

बिहारचा कर्णधार साकिबुल गनी याने अवघ्या ३२ चेंडूत शतक झळकावलं. साकिबुल गनी याचं विजय हजारे ट्रॉफीमधील हे सर्वात जलद शतक ठरलं. यासह, तो लिस्ट ए क्रिकेटमध्ये सर्वात जलद शतक करणारा भारतीय फलंदाज बनला. यापूर्वी, हा विक्रम पंजाबच्या अनमोलप्रीत सिंगच्या नावावर होता, ज्याने ३५ चेंडूत शतक पूर्ण केलं होतं.

पाचव्या क्रमांकावर फलंदाजीसाठी साकिबुल गनी उतरला वैभवने ८४ चेंडूत १९० धावा करत बिहारला धमाकेदार सुरुवात करून दिली. त्याने या सुरुवातीचा पुरेपूर फायदा घेतला आणि आक्रमक फलंदाजीला सुरूवात केली आणि विक्रमी शतक पूर्ण केलं. २६ वर्षीय साकिबुल गनीचं हे लिस्ट ए क्रिकेटमधील तिसर शतक होतं. त्याने नऊ चौकार आणि नऊ षटकारांच्या मदतीने शतकी खेळी साकारली.

बिहारचा कर्णधार साकीबुल गनी याने ३२०च्या स्ट्राईक रेटने ४० चेंडूत १० चौकार व १२ षटकारांसह नाबाद १२८ धावांची वादळी खेळी केली. लिस्ट ए क्रिकेट इतिहासातील हे तिसरं सर्वात जलद शतक आहे. दक्षिण ऑस्ट्रेलियाच्या जॅक फ्रेझर मॅकगर्कने तस्मानियाविरुद्ध २९ चेंडूत शतक झळकावलं, जे लिस्ट ए इतिगासातील सर्वात जलद शतक आहे. एबी डिव्हिलियर्सने दक्षिण आफ्रिकेकडून वेस्ट इंडिजविरुद्ध ३१ चेंडूत शतक झळकावलं. आता, साकिबुल गनी ३२ चेंडूत शतक झळकावून यादीत तिसऱ्या स्थानावर पोहोचला आहे.

बिहारने उभारली विजय हजारे ट्रॉफीमधील सर्वात मोठी धावसंख्या

कर्णधार आणि उपकर्णधाराच्या शतकांच्या बळावर, बिहारने ५० षटकांत ६ गडी गमावून ५७४ धावा केल्या, विजय हजारे ट्रॉफीमध्ये कोणत्याही संघाने केलेली ही सर्वोच्च धावसंख्या आहे. याआधीची सर्वोच्च धावसंख्येचा विक्रमही अरुणाचल प्रदेशविरुद्धच झाला होता. २०२२ मध्ये, तामिळनाडूने अरुणाचल प्रदेशविरुद्ध ५० षटकांत २ गडी गमावून ५०६ धावा केल्या होत्या.