सानिया मिर्झा आणि तिची झिम्बाब्वेची सहकारी कारा ब्लॅक मोसमातील पहिले जेतेपद पटकावण्याच्या उंबरठय़ावर उभे असून त्यांनी बीएनपी पारिबस डब्लूटीए खुल्या टेनिस स्पर्धेच्या अंतिम फेरीत प्रवेश केला आहे. उपांत्य फेरीमध्ये पाचव्या मानांकित सानिया आणि कारा जोडीने आठव्या मानांकित लूसी रॅडेका आणि जी झेंग यांचा अटीतटीच्या लढतीमध्ये ६-४, ३-६, १०-७ असा पराभव केला. गेल्या वर्षी सानिया आणि कारा यांनी एकामागोमाग एक दोन जेतेपदे पटकावली होती, पण या वर्षांत त्यांना एकही जेतेपद पटकावता आलेले नाही.
