सानिया मिर्झा आणि तिची अमेरिकेची सहकारी बेथनी मटेक-सँड्स यांनी डब्ल्यूटीए पोर्सचे टेनिस ग्रां. प्रि. स्पर्धेत अंतिम फेरीत धडक मारत या मोसमातील तिसऱ्या जेतेपदाच्या दिशेने भक्कम पाऊल टाकले आहे. बिगरमानांकित सानिया-बेथनी जोडीने उपांत्य फेरीत जर्मनीच्या अँजेलिक केर्बर आणि आन्द्रिया पेटकोव्हिच या जोडीचा ६-४, ७-५ असा दोन सेटमध्ये पराभव केला. एक तास आणि ३१ मिनिटे रंगलेल्या या सामन्यात सानिया-बेथनी जोडीने सहा ब्रेकपॉइंट आपल्याकडे वळवले, तर स्वत:च्या सव्‍‌र्हिसवर नऊ ब्रेकपॉइंट वाचवले. त्यांना अंतिम फेरीत जर्मनीच्या सबिन लिसिकी आणि मोना बार्थेल यांच्याशी लढत द्यावी लागेल. लिसिकी-बार्थेल जोडीने क्रोएशियाच्या दारिजा जुराक आणि कॅटलिन मारोसी जोडीचा ६-३, ६-४ असा सहज पराभव केला.
