Seeing Ravindra Jadeja PM Modi said to Dhoni bro this is our son vbm 97 | Loksatta

‘भाई, हा तर आमचा मुलगा आहे’, रवींद्र जडेजाला पाहून पीएम मोदी धोनीला म्हणाले, पाहा व्हिडिओ

जडेजाने अलीकडेच पंतप्रधान नरेंद्र मोदींसोबतची जवळपास एक दशकापूर्वीची, पहिली भेट आठवली आणि एक मनोरंजक गोष्ट सांगितली.

‘भाई, हा तर आमचा मुलगा आहे’, रवींद्र जडेजाला पाहून पीएम मोदी धोनीला म्हणाले, पाहा व्हिडिओ
संग्रहित छायाचित्र (इंडियन एक्सप्रेस)

भारताचा स्टार अष्टपैलू रवींद्र जडेजा सध्या क्रिकेटपासून दूर आहे. या महिन्याच्या सुरुवातीला दुखापतीमुळे तो टी-२० विश्वचषकात संघाचा भाग होऊ शकला नाही. रवींद्र जडेजा सध्या पत्नी रिवाबाच्या प्रचारात व्यस्त आहे. जडेजाची पत्नी गुजरात निवडणुकीत जामनगर (उत्तर) विधानसभा जागेसाठी भाजपची उमेदवार आहे. जडेजाने अलीकडेच पंतप्रधान नरेंद्र मोदींसोबतची जवळपास एक दशकापूर्वीची पहिली भेट आठवली आणि एक मनोरंजक किस्सा सांगितला.

जडेजा म्हणाला, ‘मी त्यांना यापूर्वी २०१० साली अहमदाबादमध्ये भेटलो होतो, जेव्हा ते गुजरातचे मुख्यमंत्री होते. आमचा सामना मोटेरा स्टेडियमवर दक्षिण आफ्रिकेविरुद्ध होता. माही भाई आमचे कॅप्टन होता आणि ते त्यावेळी मोदी साहेबांसोबत होते. मग त्याने त्याची ओळख करून दिली की हा रवींद्र जडेजा आहे.”

जडेजा पुढे म्हणाला, ”मग खुद्द मोदी साहेब हसत हसत लाइट मोडमध्ये म्हणाले की भाई, हा तर आमचा मुलगा आहे, काळजी घ्या. तेव्हा मला खूप आनंद झाला. एवढ्या मोठ्या माणसाने तो आपला मुलगा आहे असे वैयक्तिकरित्या सांगितल्याने तुम्हाला बरे वाटते. एक वेगळीच अनुभूती येते. ते असे बोलले, तेव्हा खूप छान वाटले.”

क्रिकेटबद्दल बोलायचे झाले, तर जडेजा दुखापतीमुळे सप्टेंबरपासून टीम इंडियातून बाहेर आहे. आशिया चषक आणि टी-२० विश्वचषकातून बाहेर पडल्यानंतर सध्या सुरू असलेल्या न्यूझीलंड दौऱ्यासाठीही त्याचा संघात समावेश नाही. पुढील महिन्यात बांगलादेश कसोटी मालिकेसाठी रवींद्र जडेजा संघात परतण्याची शक्यता आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 22-11-2022 at 15:10 IST
Next Story
AUS vs ENG: डेव्हिड वॉर्नरने शतक झळकावत मार्क वॉची बरोबरी करताना मोडले मोठे विक्रम