scorecardresearch

Premium

“त्याचा शेवट चांगला होणार नाही, आम्ही..” पाकिस्तानी कर्णधार शाहीन शाह आफ्रिदीने कोणाला दिलं आव्हान?

Shaheen Afridi: शाहीन आफ्रिदी सांगतो की, “पाकिस्तानसाठी ही एक महत्त्वाची मालिका आहे कारण आम्ही सध्या जागतिक कसोटी चॅम्पियनशिपच्या पॉइंट टेबलवर आघाडीवर आहोत. आम्हाला..

Shaheen Afridi takes Jibes against Australia David Warner Says We are Not Hoping For Good End IN Pak vs AUS Test Series
पाकिस्तानची पहिली कसोटी १४ डिसेंबर रोजी यजमान ऑस्ट्रेलियाशी होणार आहे. (फोटो: लोकसत्ता ग्राफिक्स टीम)

PAK vs AUS Test Series Shaheen Afridi: १४ डिसेंबरपासून पर्थमधील ऑप्टस स्टेडियमवर तीन सामन्यांच्या बहुप्रतिक्षित कसोटी मालिकेला सुरुवात होणार आहे. दुसरी आणि तिसरी कसोटी अनुक्रमे मेलबर्न आणि सिडनी येथे खेळवली जाणार आहे. तत्पूर्वी पाकिस्तानचा वेगवान गोलंदाज व नवनिर्वाचित कर्णधार शाहीन शाह आफ्रिदीने ऑस्ट्रेलियाला आव्हान दिले आहे. ऑस्ट्रेलियाचा अनुभवी सलामीवीर डेव्हिड वॉर्नरसाठी ही निरोपाची मालिका असण्याच्या चर्चा आहेत. भारतातील एकदिवसीय आंतरराष्ट्रीय (ODI) विश्वचषक स्पर्धेत ऑस्ट्रेलियाचा आघाडीचा धावा करणारा सलामीवीर वॉर्नरला पाकिस्तानविरुद्धच्या मालिकेतील सलामीच्या कसोटी संघात स्थान देण्यात आले. विशेष म्हणजे, ३७ वर्षीय खेळाडूचे नाव केवळ पर्थ येथील पहिल्या कसोटी सामन्यासाठी आहे.

वॉर्नरच्या पहिल्या कसोटीतील खेळीनुसार, त्याला तिसऱ्या सामन्यासाठी आपले स्थान टिकवून ठेवू शकते. मेलबर्न क्रिकेट ग्राउंड (MCG) येथे कसोटीच्या मालिकेतील तिसरा सामना होणार आहे. पाकिस्तान विरुद्धच्या वॉर्नरच्या निरोपाच्या मालिकेबद्दल बोलताना, वेगवान गोलंदाज आफ्रिदी म्हणाला की पाकिस्तानी संघ वॉर्नरची निरोपाची मालिका खराब करू पाहत आहे.

Mohammad Amir Praises Virat Video Viral
VIDEO : विराटच्या नेतृत्वाखाली खेळायला आवडेल की बाबरच्या? पाकिस्तानच्या गोलंदाजाने दिले चकीत करणारे उत्तर
audience trolled sana javed by chanting sania mirza name
Video: सानिया मिर्झाचं नाव घेत प्रेक्षकांनी शोएब मलिकच्या तिसऱ्या बायकोला चिडवलं, नेटकरी म्हणाले, “भारत-पाकिस्तान…”
U19 World Cup 2024 Updates in marathi
U19 WC 2024 final: भारत आणि पाकिस्तान यांच्यात होणार अंतिम सामना? टीम इंडियाला मिळणार १८ वर्षांपूर्वीचा बदला घेण्याची संधी
Indian tennis team wins Davis Cup match during tour of Pakistan
भारताचा पाकिस्तानवर एकतर्फी विजय; अपेक्षित कामगिरीसह जागतिक गट ‘१’मध्ये प्रवेश

वॉर्नरसाठी चांगला शेवट होऊ द्यायचा नाही: शाहीन आफ्रिदी

आफ्रिदीने जिओ न्यूजला सांगितले की, “आम्ही त्याला शुभेच्छा देऊ पण डेव्हिड वॉर्नरच्या शेवटच्या कसोटी मालिकेचा शेवट चांगला होईल अशी आम्हाला आशा नाही.” अॅडलेडमध्ये पाकिस्तानविरुद्ध वॉर्नरने झळकावलेल्या शानदार त्रिशतकानंतर, ऑसी सलामीवीराची कसोटी सामन्यांमध्ये सरासरी फक्त २८ आहे.

वॉर्नरने सिडनी येथे कसोटी क्रिकेटला निरोप देण्याबाबत खुलासा केला होता. वॉर्नरने ऑस्ट्रेलियाकडून १०९ कसोटी सामने खेळले आहेत. ४४ पेक्षा जास्त सरासरीने, वॉर्नरने कसोटी क्रिकेटमध्ये ८,४८७ धावा केल्या आहेत. आतापर्यंत वॉर्नरने २५ कसोटी शतके, तीन द्विशतके आणि ३६ अर्धशतके केली आहेत.

हे ही वाचा<< “पाकिस्तानी खेळाडूंवर ट्र्कमध्ये सामान भरण्याची वेळ आली कारण.. “, शाहीन आफ्रिदीने टीकांवर दिलं स्पष्ट उत्तर

दरम्यान, पाहुण्या पाकिस्तानची पहिली कसोटी १४ डिसेंबर रोजी यजमान ऑस्ट्रेलियाशी होणार आहे. ही मालिका पाकिस्तानसाठी किती महत्त्वाची आहे याविषयी सांगताना शाहीन आफ्रिदी सांगतो की, “पाकिस्तानसाठी ही एक महत्त्वाची मालिका आहे कारण आम्ही सध्या जागतिक कसोटी चॅम्पियनशिपच्या पॉइंट टेबलवर आघाडीवर आहोत. आम्हाला कॅनबेराचा फारसा अनुभव नाही, पण मला खात्री आहे, PM XI (पंतप्रधानांनी निवडलेला संघ) चार दिवसीय सामना आम्हाला पर्थमध्ये सुरू होणाऱ्या मालिकेसाठी चांगली तयारी करण्यास मदत करेल.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shaheen afridi takes jibes against australia david warner says we are not hoping for good end in pak vs aus test series svs

First published on: 04-12-2023 at 16:29 IST

संबंधित बातम्या

तुम्ही या बातम्या वाचल्या आहेत का? ×