Shikhar Dhawan say on social media Pakistan & fielding never ending love story: आपल्या प्रमुख फलंदाजांच्या उपयुक्त योगदानामुळे, ऑस्ट्रेलियाने मंगळवारी एकदिवसीय विश्वचषक क्रिकेट सराव सामन्यात पाकिस्तानचा १४ धावांनी पराभव केला. या विजयाने ऑस्ट्रेलियाने आपल्या तयारीचा भक्कम पुरावा सादर केला. ऑस्ट्रेलियाने प्रथम फलंदाजी करताना सात गड्यांच्या मोबदल्यात ३५१ धावा होत्या. प्रत्युतरात पाकिस्तानचा संघ ३५७ धावांवर आटोपला. या पराभवानंतर भारतीय क्रिकेटपटू शिखर धवनने पाकिस्तान संघाची खिल्ली उडवली आहे. खराब क्षेत्ररक्षणामुळे पाकिस्तानचा संघ होतोय ट्रोल - पाकिस्तान संघ हा सामना हरला. पण सामन्यादरम्यान त्याची क्षेत्ररक्षण पुन्हा एकदा चेष्टेचे ठरले. विश्वचषकापूर्वी त्यांचे क्षेत्ररक्षण पाहून चाहते संघाची खिल्ली उडवत आहेत. ऑस्ट्रेलियाच्या डावातील २३व्या षटकातील हारिस रौफच्या पहिल्याच चेंडूवर मार्नस लाबुशेनने स्क्वेअर लेगच्या दिशेने एक शॉट खेळला. दुसरीकडे, थर्ड मॅनच्या बाजूने मोहम्मद वसीम ज्युनियर आणि डीप स्क्वेअर लेगमधून मोहम्मद नवाज चेंडू रोखण्यासाठी धावले, पण समोरून येणारा वसीमची धडक टाळण्याच्या प्रयत्नात नवाज चेंडू रोखण्यासाठी वाकला नाही. त्यामुळे चेंडू रेषेच्या बाहेर गेला. यानंतर टीम इंडियाचा सलामी फलंदाज शिखर धवनने पाकिस्तानच्या क्षेत्ररक्षणाची चांगलीच खिल्ली उडवली. त्याने पाकिस्तानच्या क्षेत्ररक्षणाचा हा व्हिडीओ एक्स (ट्विटर) अॅपवर पोस्ट केला आणि कॅप्शनमध्ये लिहिले, "पाकिस्तान आणि क्षेत्ररक्षणाची कधीही न संपणारी प्रेम कहाणी." ज्यामुळे आता पाकिस्तानचा संघ सोशल माडियावर मोठ्या प्रमाणात ट्रोल होत आहे. हेही वाचा - World Cup 2023: विश्वचषक स्पर्धेला फक्त एक दिवस बाकी, जाणून घ्या कधी आणि कुठे पाहता येणार सामन्यांचे लाइव्ह स्ट्रिमिंग? या सराव सामन्यात ऑस्ट्रेलियाकडून ग्लेन मॅक्सवेल (७७) आणि कॅमेरॉन ग्रीन (नाबाद ५०) यांनी अर्धशतके झळकावली. त्यांच्याशिवाय डेव्हिड वॉर्नरने ४८, मार्नस लाबुशेनने ४० आणि जोश इंग्लिसने ४८ धावांचे योगदान दिले. प्रत्युत्तरादाखल पाकिस्तानचा संघ कर्णधार बाबर आझम (९०) आणि इफ्तिखार अहमद (८३) यांच्या अर्धशतकांच्या जोरावर ४७.४ षटकांत ३३७ धावांत गारद झाला. या दोघांशिवाय मोहम्मद नवाजने ४२ चेंडूत ५० धावांची शानदार खेळी केली.
