MI vs PBKS Live: वानखेडेवर काळजाचा ठोका चुकवणारी घटना! श्रेयसचा थ्रो थेट शशांकच्या डोक्याला लागला; पाहा नक्की काय घडलं?

तर झाले असे की, मुंबईचा संघ प्रथम फलंदाजी करण्यासाठी मैदानात आला. मुंबईला पावरप्लेमध्येच २ मोठे धक्के बसले. त्यानंतर नमन धीर आणि क्विंटन डीकॉकच्या जोडीने मिळून संघाचा डाव सांभाळला. पंजाबकडून ६ वे षटक टाकण्यासाठी विजयकुमार वैशाक गोलंदाजी करण्यासाठी आला. या षटकातील शेवटच्या चेंडूवर नमन धीर स्ट्राईकवर होता. त्यावेळी नमन धीरने मिड ऑफच्या दिशेने फटका मारला आणि वेगाने एक धाव पूर्ण केली. त्याला धावबाद करण्यासाठी श्रेयस अय्यरने वेगाने थ्रो मारला. शशांक सिंगने त्याला बॅकअप दिला. पण चेंडू वेगाने आला आणि टप्पा पडताच उडून शशांक सिंगच्या डोक्याला जाऊन लागला. त्यामुळे त्याच्या डोक्याला दुखापत झाली. त्याला तत्काळ मैदानाबाहेर घेऊन जाण्यात आलं. हा चेंडू वेगाने आला होता. त्यामुळे सुदैवाने शंशाक सिंग थोडक्यात बचावला.

पंजाबची दमदार सुरुवात

या सामन्यात पंजाबने नाणेफेक जिंकून प्रथम गोलंदाजी करण्याचा निर्णय घेतला. पंजाबच्या गोलंदाजांनी हा निर्णय सार्थ ठरवला. रोहित शर्माच्या अनुपस्थितीत रायन रिकल्टन आणि क्विंटन डीकॉची जोडी मैदानावर आली. या जोडीकडून चांगल्या सुरुवातीची अपेक्षा होती. पण रिकल्टन अवघ्या २ धावा करून माघारी परतला. त्यानंतर पुढच्याच चेंडूवर मुंबई इंडियन्सला आणखी एक मोठा धक्का बसला. सूर्यकुमार यादव पहिल्याच चेंडूवर झेलबाद होऊन माघारी परतला. अर्शदीप सिंगकडे हॅट्रिकची संधी होती. पण ही संधी थोडक्यात हुकली.

या सामन्यासाठी अशी आहे दोन्ही संघांची प्लेईंग ११:

पंजाब किंग्ज (प्लेइंग इलेव्हन) : प्रभसिमरन सिंग (यष्टिरक्षक), प्रियांश आर्य, श्रेयस अय्यर (कर्णधार), कूपर कॉनोली, शशांक सिंग, मार्कस स्टॉइनिस, मार्को जॅनसेन, झेवियर बार्टलेट, विजयकुमार विषक, अर्शदीप सिंग, युझवेंद्र चहल

मुंबई इंडियन्स (प्लेइंग इलेव्हन): क्विंटन डी कॉक (यष्टिरक्षक), रायन रिकेल्टन, तिलक वर्मा, सूर्यकुमार यादव, हार्दिक पंड्या(कर्णधार), शेरफेन रदरफोर्ड, नमन धीर, मयंक रावत, शार्दुल ठाकूर, दीपक चहर, जसप्रीत बुमराह