Shubman Gill Double Century: २०० नाबाद! शुबमन गिलचा ‘डबल सेंच्युरी’ धमाका! वनडे क्रिकेटमध्ये अशी कामगिरी करणारा ठरला जगातील पहिलाच फलंदाज

वनडे क्रिकेटमध्ये शतक सामान्य गोष्ट आहे. पण द्विशतक झळकावणं, ही खूप मोठी गोष्ट आहे. भारताचा अनुभवी फलंदाज रोहित शर्माने हा रेकॉर्ड एकदा, दोनदा नव्हे, तर तीन वेळा करून दाखवला आहे. आता भारतीय फलंदाजीक्रमाचं भविष्य समजलं जाणाऱ्या गिलने रोहित शर्माच्या पावलांवर पाऊल ठेवलं आहे. शुबमन गिलने आपल्या वनडे कारकिर्दीतील दुसरं द्विशतक झळकावलं आहे. याआधी २०२३ मध्ये न्यूझीलंडविरूद्ध झालेल्या पहिल्याच वनडे सामन्यात त्याने १४९ चेंडूंमध्ये २०८ धावांची विक्रमी द्विशतकी खेळी केली होती.

शुबमन गिलचं विक्रमी द्विशतक…

वेस्ट इंडिजविरुद्ध झळकावलेलं हे द्विशतक शुबमन गिलच्या वनडे कारकिर्दीतील दुसरं द्विशतक आहे. यासह तो भारतासाठी २ द्विशतकं झळकावणारा रोहित शर्मानंतर दुसराच भारतीय ठरला आहे. रोहितच्या नावे वनडे क्रिकेटमध्ये ३ द्विशतकं झळकावण्याची नोंद आहे. पण रोहितने हे तिन्ही द्विशतकं पहिल्या डावात फलंदाजी करताना झळकावली होती. गिल हा धावांचा पाठलाग करताना द्विशतकी खेळी करणारा पहिलाच भारतीय फलंदाज ठरला आहे. तर आंतरराष्ट्रीय क्रिकेटमध्ये धावांचा पाठलाग करताना तो द्विशतकी खेळी करणारा जगातील दुसराच फलंदाज आहे. याआधी २०२३ मध्ये झालेल्या वनडे वर्ल्डकप स्पर्धेत अफगाणिस्तानविरुद्ध खेळताना ग्लेन मॅक्सवेलने विक्रमी शतक झळकावलं होतं. मॅक्सवेलने धावांचा पाठलाग करताना २०१ धावांची खेळी केली होती. आता धावांचा पाठलाग करताना सर्वात मोठी खेळी करणाऱ्या फलंदाजांच्या यादीत गिल अव्वल स्थानी पोहोचला आहे.

वनडे क्रिकेटमध्ये द्विशतकी खेळी करणारे फलंदाज