कसोटी मालिकेत शुभमन गिलला संधी मिळायला हवी – हरभजन सिंह

सलामीच्या जागेसाठी पृथ्वी-शुभमन शर्यतीत

टी-२० मालिकेत न्यूझीलंडला ५-० ने हरवणाऱ्या भारतीय संघाला वन-डे मालिकेत चांगलाच धक्का बसला. ३-० ने वन-डे मालिका जिंकत न्यूझीलंडने टी-२० मालिकेतल्या पराभवाचा वचपा काढला. यानंतर भारतीय संघ २१ फेब्रुवारीपासून २ कसोटी सामन्यांची मालिका खेळणार आहे. या मालिकेतही भारतीय संघ रोहित शर्माशिवाय मैदानात उतरणार आहे. त्यामुळे मयांक अग्रवालसोबत सलामीला कोण येणार हा प्रश्न निर्माण झाला होता. भारताचा फिरकीपटू हरभजन सिंहने याप्रकरणी आपलं मत नोंदवलं आहे.

“शुभमन गिलला कसोटी संघात स्थान मिळायला हवं. गेले काही सामने त्याला अंतिम संघात स्थान मिळत नाहीये. मयांकने कसोटी क्रिकेटमध्ये स्वतःला सिद्ध केलं आहे. तो आता चांगली फलंदाजी करतो. परिस्थितीनुरुप कसा खेळ करायचा हे त्याला माहिती आहे. वन-डे सामन्यातील अपयशाच्या जोरावर त्याला कसोटी संघातून वगळण्याची चूक कोणीही करणार नाही. त्यामुळे माझ्यामते मयांक आणि शुभमन गिलला सलामीला येण्याची संधी मिळायला हवी”, पीटीआयला दिलेल्या मुलाखतीत हरभजन बोलत होता.

न्यूझीलंड अ संघाविरोधातील सराव सामन्यामध्ये शुभमन गिलने आपली चमक दाखवली आहे. सराव सामन्यात गिलने ८३ आणि २०४ धावांची खेळी केली होती. तर दुसरीकडे पृथ्वी शॉ देखील १६ महिन्यांनी कसोटी संघात पुनरागमन करतो आहे. त्यामुळे रोहित शर्माच्या अनुपस्थितीत विराट कोहली आणि रवी शास्त्री कोणाला सलामीसाठी पसंती देतात हे पाहणं महत्वाचं ठरणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Shubman gill should get his chance over prithvi shaw says harbhajan singh on new zealand test psd