Ashes 2023, ENG vs AUS: लॉर्ड्सवर नुकत्याच पार पडलेल्या कसोटीत जॉनी बेअरस्टोला केलेले रनआउट वादाच्या भोवऱ्यात सापडले आहे. या संदर्भात काहींनी दाखविलेल्या “ढोंगीपणा आणि सातत्याचा अभाव” यावर टीका करताना, माजी आंतरराष्ट्रीय क्रिकेट परिषद (ICC) एलिट पॅनेलचे अंपायर सायमन टॉफेल म्हणाला की, “जेव्हा लोकांना क्रिकेटच्या कायद्यानुसार बाद करण्याचा प्रकार आवडत नाही तेव्हा ते खिलाडूवृत्तीबाबत बोलतात.”

दुसऱ्या अ‍ॅशेस कसोटीत बेअरस्टोच्या वादग्रस्त स्टंपिंगनंतर, इंग्लंडचे प्रशिक्षक ब्रेंडन मॅक्युलम आणि कर्णधार बेन स्टोक्स यांसारख्या लोकांनी ते खेळ भावनेच्या विरोधात असल्याचे सांगितले. टॉफेलने ‘लिंकडिन’वर एका लांबलचक पोस्टमध्ये यावर उत्तर देताना लिहिले आहे की, “माझा अनुभव असा आहे की जेव्हा लोकांना क्रिकेटच्या कायद्यांतर्गत ज्या प्रकारे बाद केले जाते ते आवडत नाही, तेव्हा ते त्यांच्या दृष्टिकोनाचे समर्थन करण्यासाठी खेळाच्या भावनेचा हवाला देतात.”

Mohammed Shami on MS Dhoni Retirement
MS Dhoni : “जब लगे लात पड़ने वाली है…”, धोनीच्या निवृत्तीच्या प्लॅनबद्दल मोहम्मद शमीचा मोठा खुलासा
Team India coach Gautam Gambhirs support staff
Team India : गौतम गंभीरच्या कोचिंग स्टाफमध्ये मॉर्ने मॉर्केलसह ‘या’ चार माजी दिग्गजांची लागू शकते वर्णी, जाणून घ्या कोण आहेत?
Shubman Gill has no idea about captaincy
Shubman Gill : शुबमनच्या नेतृत्त्वावर अमित मिश्राने उपस्थित केले प्रश्न; म्हणाला, ‘त्याला कर्णधारपदाबद्दल काहीच माहिती नाही…’
Sanath Jayasuriya, sri lanka head coach
श्रीलंकेच्या संघाला सावरणार ‘हा’ वर्ल्ड चॅम्पियन खेळाडू, भारताविरूद्धच्या मालिकेपासून स्वीकारणार हेड कोचचा पदभार
Virat Kohli Meets Childhood Rajkumar Sharma Coach photo viral
Virat Kohli : टीम इंडियाच्या व्हिक्टरी परेडनंतर विराटने आपल्या ‘द्रोणाचार्यां’ची घेतली गळाभेट, फोटो होतोय व्हायरल
Jasprit Bumrah's Emotional Childhood story
‘बुमराहची आई १६-१८ तास काम करायची…’, एका पोस्टने उलगडले जसप्रीतच्या आयुष्यातील सर्वात मोठे भावनिक क्षण
Chris Gayle statement on Virat's performance in 2024 World Cup
IND vs SA Final: युनिव्हर्स बॉसचे विराट कोहलीच्या फॉर्मबद्दल मोठं वक्तव्य; म्हणाला, ‘त्याला तुम्ही कमी…’
Candice Warner, David Warner
“तुझ्यामुळे आम्हालाही…”, वॉर्नरच्या निवृत्तीनंतर पत्नी कँडिसची भावनिक पोस्ट; विक्रमांची यादी शेअर करत म्हणाली…

टॉफेलने ‘लिंकडिन’ वर एका लांबलचक पोस्टमध्ये पुढे लिहिले, “लॉर्ड्सवर जॉनी बेअरस्टोला बाद करणे हे क्रीडा भावनेचे उल्लंघन होते का? विकेटकीपरच्या मागे उभे राहून स्टंपिंग करण्याचा प्रयत्न करण्याची परवानगी नाही असे क्षेत्ररक्षण करणाऱ्या संघाला सांगणारे तुम्ही अंपायर पाहिले आहे का?” टॉफेल पुढे म्हणाला, “पहिल्या डावात जेव्हा बेअरस्टोने मार्नस लाबुशेनला अशा प्रकारे बाद करण्याचा प्रयत्न केला तेव्हा कोणी तक्रार केली होती का? त्याच्या डिसमिसबद्दल जॉनी बेअरस्टो काहीच बोलला नाही. तो एकदम गप्प राहिला. का?”

हेही वाचा: World Cup: “१९८३ मध्ये नशिबाने भारत जिंकला…”, वेस्ट इंडीजच्या माजी वेगवान गोलंदाजाचे अचंबित करणारे विधान

बेअरस्टो बाद झाल्यानंतर उर्वरित सामन्यात ऑस्ट्रेलियाला प्रेक्षकांच्या वाईट वागणुकीला सामोरे जावे लागले. प्रेक्षकांनी पाहुण्या संघाच्या चांगल्या खेळीला दाद दिली नाही आणि ‘तेच जुने ऑस्ट्रेलियन, नेहमी फसवणूक करणारे’ असे उलट्या घोषणा केल्या. दोन्ही देशांच्या पंतप्रधानांव्यतिरिक्त अनेक माजी आणि सध्याच्या खेळाडूंनी या विषयावर आपली मते मांडली. टॉफेलने यावर लिहिले, “काही लोक आणि गटांनी दाखवलेला ढोंगीपणा व सातत्याचा अभाव आमच्या खेळाच्या भविष्यासाठी खूपच चिंताजनक आहे. कदाचित इथे फक्त मी माझे हे मत मांडत आहे.”

हेही वाचा: IPL 2024: आयपीएल २०२४मध्ये खेळण्यासाठी ‘हा’ पाकिस्तानचा खेळाडू ब्रिटिनचे नागरिकत्व घेणार? जाणून घ्या

बेअरस्टो कसा वादग्रस्तपणे धावबाद झाला?

जॉनी बेअरस्टो आपल्या सहकारी फलंदाजाशी बोलण्यासाठी चेंडू खेळल्यानंतर क्रीजच्या बाहेर आला, पण अ‍ॅलेक्स कॅरीने त्याला धावबाद केले. कॅरीची ही कृती नियमानुसार योग्य होती. मात्र, ते खेळाच्या भावनेविरुद्ध होते. आता ऑस्ट्रेलियन संघ या सामन्यात खूप पुढे गेला आहे. आगामी लढतींमध्ये आणखी वाद होण्याची शक्यता आहे. त्याचवेळी, बेअरस्टो हा रन आउटचा क्षण कधीच विसरणार नाही. दुसरीकडे सोशल मीडियावर खिलाडूवृत्तीची चर्चा अधिक रंगली आहे. ऑस्ट्रेलियावर नेहमीच रडीचा डाव, चीटिंग असे आरोप होत असतात.