स्मृती मानधनाने घडवला इतिहास, WPL फायनलमध्ये अशी कामगिरी करणारी पहिली फलंदाज

Smriti Mandhana Record: स्मृती मानधनाने फायनलमध्ये वादळी फटकेबाजीच्या बळावर सर्वांचं लक्ष वेधून घेतलं. यादरम्यान तिने WPL फायनलमधील सर्वात जलद अर्धशतक झळकावलं.

Smriti mandhana Highest individual score in a WPL

स्मृती मानधनाने फायनलमध्ये घडवला इतिहास (फोटो-rcb-x)

वुमन्स प्रीमियर लीग (WPL) २०२६ च्या अंतिम सामन्यात रॉयल चॅलेंजर्स बंगळुरू (RCB) ची कर्णधार स्मृती मानधनाने शानदार कामगिरी केली. स्मृतीने वादळी खेळी करत संघाला विजय मिळवून देण्यात मोठी भूमिका बजावली. दिल्लीने आरसीबीला विजयासाठी २०४ धावांचं मोठं आव्हान दिलं. पण स्मृती मानधना शेवटपर्यंत मैदानावर राहत तिने संघाचा विजय निश्चित केला. यादरम्यान तिने फायनलमधील सर्वात जलद अर्धशतक झळकावलं.

स्मृती मानधनाने तिच्या डावाची सुरुवात सावधपणे केली, पण एकदा ती स्थिरावल्यानंतर तिने खोऱ्याने धावा केल्या. स्मृती मानधनाने फक्त २३ चेंडूत पाच चौकार आणि तीन षटकारांसह अर्धशतक झळकावलं. या शानदार खेळीसह, स्मृतीने WPL फायनलमध्ये सर्वात जलद अर्धशतक करण्याचा विक्रम केला आहे. याशिवाय स्मृती मानधना ही वुमन्स प्रीमियर लीग फायनलमध्ये सर्वात मोठी खेळी करणारी पहिली फलंदाज ठरली आहे.

स्मृती मानधनापूर्वी, सर्वात जलद अर्धशतक करण्याची कामगिरी दिल्ली कॅपिटल्सची कर्णधार जेमिमा रॉड्रिग्जच्या नावावर होती. त्याच सामन्याच्या पहिल्या डावात तिने ३२ चेंडूत ५० धावा केल्या होत्या. जेमिमाने ५७ धावांची महत्त्वपूर्ण खेळी खेळली, ज्यामुळे दिल्लीचा संघ २०३ धावांचा डोंगर उभारू शकला. पण स्मृती मानधनाच्या ८७ धावांच्या खेळीच्या बळावर आरसीबी सर्वात यशस्वी धावांचा पाठलाग करत विजय मिळवला आहे.

हेही वाचा

भारत-इंग्लंड U19WC फायनल भारतीय वेळेनुसार किती वाजता सुरू होणार? जाणून घ्या

WPL फायनलमध्ये सर्वात मोठी खेळी करणारे फलंदाज

८७ चेंडू (४१ चेंडू) – स्मृती मानधना विरुद्ध दिल्ली, वडोदरा, २०२६

७९ चेंडू (५४ चेंडू) – जॉर्जिया वोल विरुद्ध दिल्ली, वडोदरा, २०२६

६६ चेंडू (४४ चेंडू) – हरमनप्रीत विरुद्ध दिल्ली, ब्रेबॉर्न, २०२५

हेही वाचा

WPL 2025: ई साला कप नम्दू! स्मृती आणि बंगळुरू सुसाट; दिल्लीवर विजयासह पटकावलं दुसरं जेतेपद

स्मृती मानधनाने या डावात ४१ चेंडूत १२ चौकार व ३ षटकारांच्या मदतीने ८७ धावांची खेळी केली. या खेळीसह स्मृतीने ऑरेंज कॅपच्या शर्यतीतही आघाडी घेतली. सामन्यापूर्वी ती दुसऱ्या स्थानावर होती, हरमनप्रीत कौर ३४२ धावांसह आघाडीवर होती. दरम्यान, स्मृती मानधनाने ३६० धावांचा टप्पा ओलांडला आहे. या हंगामात स्मृती मानधनाने तिसऱ्यांदा अर्धशतकी गाठला. एका सामन्यात ती ९६ धावांवर बाद झाल्याने तिचं शतक हुकलं होतं.

हेही वाचा

“तू फक्त ट्रॉफी जिंकून आण, मी…”, सुनील गावस्करांचं सूर्यकुमारला खास वचन, टीम इंडियाने T20WC जिंकल्यास…

या सामन्यात स्मृती मानधना आणि जॉर्जिया वॉल यांनी शानदार कामगिरी केली. आरसीबीने फक्त ९ धावांवर एक विकेट गमावली होती. त्यानंतर जॉर्जिया वॉल क्रीजवर आली आणि मानधनासोबत तिने संघाचा डाव सावरला. स्मृती मानधना व जॉर्जिया वॉल यांनी विक्रमी १६५ धावांची भागीदारी रचली. तर जॉर्जिया वॉलनेही फक्त ३७ चेंडूत ५० धावा पूर्ण केल्या. तर वॉलने या सामन्यात ५४ चेंडूत १४ चौकारांसह ७९ धावांची महत्त्वपूर्ण खेळी केली. या दोघींच्या भागीदारीच्या बळावर आरसीबीने दुसऱ्यांदा वुमन्स प्रीमियर लीग स्पर्धेचं जेतेपद पटकावलं.