‘फॅमिली मॅन’ राहुल..! ‘या’ कारणासाठी भारताचा हेड कोच बनण्यास तयार नव्हता द्रविड; दादानं ‘असं’ वळवलं मन!

गांगुलीनं एका क्रीडा पत्रकाराशी संवाद साधताना द्रविडच्या प्रशिक्षक बनण्याची संपूर्ण कहाणी सांगितली.

Sourav ganguly explains how he persuaded rahul dravid to become head coach of india
द्रविड आणि गांगुली

बीसीसीआय अध्यक्ष सौरव गांगुलीने टीम इंडियाचा नवा मुख्य प्रशिक्षक राहुल द्रविडबाबत मोठा खुलासा केला आहे. तो म्हणाला, ”द्रविड भारतीय संघाचा प्रशिक्षक होण्यासाठी आधी तयार नव्हता. खूप विचार करून ही जबाबदारी घेण्याचे त्यांनी मान्य केले.” द्रविडला २ वर्षांसाठी टीम इंडियाचा मुख्य प्रशिक्षक बनवण्यात आले आहे. न्यूझीलंडविरुद्ध नुकतीच संपलेली टी-२० मालिका ही त्याची प्रशिक्षक म्हणून पहिली मालिका होती. भारताने ही मालिका ३-० ने जिंकली.

सौरव गांगुलीने एका क्रीडा पत्रकाराशी संवाद साधताना द्रविडच्या प्रशिक्षक बनण्याची संपूर्ण कहाणी सांगितली. टाइम्स नाऊच्या वृत्तानुसार, गांगुली म्हणाला, “आयपीएलदरम्यानच भारतीय प्रशिक्षकाला एक महिना घरी घालवण्याची संधी मिळते. मुख्य प्रशिक्षक म्हणून राहुल माझ्या आणि जय शाह यांच्या मनात होता. पण बराच काळ घरापासून दूर राहण्याचा विचार करून ही जबाबदारी सांभाळायला तो तयार होत नव्हता. कारण भारतीय संघासोबत त्याला ८ ते ८ महिने घराबाहेर राहावे लागले आणि त्याला दोन मुले आहेत.”

गांगुलीने सांगितले, “एकेकाळी आम्हीही हार मानली होती. त्याची राष्ट्रीय क्रिकेट अकादमीचा (एनसीए) प्रमुख म्हणून नियुक्ती करण्यात आली. आम्ही सर्व मुलाखती घेतल्या होत्या, द्रविडचीही मुलाखत घेण्यात आली. पण एनसीएमध्ये जबाबदारी पार पाडूनही आम्ही त्यांच्याशी सतत बोलत राहिलो. शेवटी त्याने ते मान्य केले आणि त्याने आपला निर्णय का बदलला हे मला माहीत नाही. पण त्याने सहमती दर्शवली.”

हेही वाचा – IND vs NZ : ‘सचिSSन.. सचिन..!’ शुबमन गिलनं चौकार ठोकताच वानखेडेवर प्रेक्षकांनी दिल्या घोषणा; VIDEO व्हायरल!

राहुल द्रविड पहिल्यांदा २०१५ मध्ये बीसीसीआयच्या कोचिंग सिस्टममध्ये सामील झाला होता. त्याने ४ वर्षे भारत-अ आणि अंडर-१९ संघाचा मुख्य प्रशिक्षक म्हणून काम केले. त्याच्या नेतृत्वाखाली भारत-अ च्या अनेक खेळाडूंनी आंतरराष्ट्रीय क्रिकेटमध्ये पदार्पण केले. कनिष्ठ संघानेही चमकदार कामगिरी केली आणि २०१८ मध्ये अंडर-१९ विश्वचषक जिंकला. २०१९ मध्ये, द्रविडने राष्ट्रीय क्रिकेट अकादमीचा (एनसीए) प्रमुख म्हणून पदभार स्वीकारला.

द्रविडच्या प्रशिक्षकपदाखाली भारतीय संघ आयसीसीच्या तीन मोठ्या स्पर्धा खेळणार आहे. यामध्ये पुढील वर्षी ऑस्ट्रेलियात होणारा टी-२० विश्वचषक, २०२३चा एकदिवसीय विश्वचषक आणि जागतिक कसोटी चॅम्पियनशिपचा समावेश आहे. २०१३ पासून भारताने आयसीसी ट्रॉफी जिंकलेली नाही. हा दुष्काळ संपवण्याचे आव्हान द्रविडसमोर असेल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sourav ganguly explains how he persuaded rahul dravid to become head coach of india adn

ताज्या बातम्या