Australia Women’s National Cricket Team vs South Africa Women’s National Cricket Team Match Scorecard: महिला टी-२० विश्वचषक २०२४ मध्ये दक्षिण आफ्रिकेच्या संघाने ऑस्ट्रेलियाच्या महिला संघाला पराभूत करत अंतिम फेरीत धडक मारली आहे. टी-२० विश्वचषकातील गट सामन्यांमध्ये अपराजित राहिलेल्या ऑस्ट्रेलियाला उपांत्य फेरीत मोठ्या पराभवाला सामोरे जावे लागले आहे. विक्रमी सहा वेळा वर्ल्डकप जिंकणाऱ्या ऑस्ट्रेलियाला मोठ्या पराभवाला सामोरे जावे लागले आहे. सुरूवातीपासूनच सामन्यात दबदबा राखत दक्षिण आफ्रिकेने ८ विकेट्सने दणदणीत विजय मिळवला.

या विजयासह दक्षिण आफ्रिकेचा संघ सलग दुसऱ्यांदा टी-२० विश्वचषकाच्या अंतिम फेरीत पोहोचला आहे. गतवर्षीच्या महिला टी-२० विश्वचषकाच्या अंतिम फेरीत ऑस्ट्रेलियाने आफ्रिकेचा पराभव केला होता. यंदा उपांत्य फेरीत ऑस्ट्रेलियाला बाहेर करत दक्षिण आफ्रिकेने मोठा बदला घेतला आहे. २०२३ मध्ये, केप टाऊनमधील न्यूलँड्स येथे झालेल्या फायनलमध्ये सन लुसचा दक्षिण आफ्रिका मेग लॅनिंगच्या ऑस्ट्रेलियाकडून १९ धावांनी पराभूत झाला होता.

South Africa Fielding Coach Taken Field Instead of Player ODI Match vs New Zealand
VIDEO: क्रिकेटच्या मैदानावर घडली अनोखी घटना! वनडेमध्ये आफ्रिकेचे कोच खेळाडूच्या जागी फिल्डिंगसाठी उतरले, नेमकं काय घडलं?
Manoj Jarange, Manoj Jarange movement,
विश्लेषण : मनोज जरांगे यांच्या आंदोलनाचा प्रभाव ओसरला?…
SL vs AUS Australia breaks Indias record for most wins in a single season of World Test Championship
SL vs AUS : ऑस्ट्रेलियाने मोडला भारताचा विक्रम! वर्ल्ड टेस्ट चॅम्पियनशीपमध्ये केला खास पराक्रम
SL vs AUS Australia beats Sri Lanka to record 3rd biggest away win in Test cricket after 23 years at Galle
SL vs AUS : ऑस्ट्रेलियाचा २३ वर्षांनंतर ऐतिहासिक विजय! कसोटी क्रिकेटमध्ये नोंदवला तिसरा सर्वात मोठा विजय
India to Play Against South Africa in U19 Womens T20 World Cup 2025 What is the Match Timing
U19 Women’s T20 World Cup Final: भारताचा महिला संघ U19 वर्ल्डकपच्या अंतिम फेरीत कोणाविरूद्ध भिडणार? जाणून घ्या सामन्याची वेळ
India Women's Team Enter Finals of U109 T20 Womens World Cup 2025
INDW vs ENGW: भारताच्या लेकींची U19 वर्ल्डकपच्या अंतिम फेरीत धडक, उपांत्य फेरीत इंग्लंडचा उडवला धुव्वा; ५ षटकं राखून मिळवला विजय
U19 Eng vs SA bizarre run out as Aaryan Sawant video viral
U19 ENG vs SA : धक्कादायक! विचित्र रनआऊटच्या नादात थोडक्यात वाचला फिल्डर, VIDEO होतोय व्हायरल
SL vs AUS Josh Inglis scores century on debut test match in front of parents breaks many records at Galle
SL vs AUS : जोश इग्लिसचे कसोटी पदार्पणात विक्रमी शतक! मोडले अनेक विक्रम

हेही वाचा – Rohit Sharma: “माझ्यामुळे संघाची ही स्थिती…”, रोहित शर्माचे भारत ४६ वर ऑल आऊट झाल्यानंतर मोठे वक्तव्य, नाणेफेकीच्या निर्णयाबद्दल पाहा काय म्हणाला?

लॉरा वोल्वार्डच्या नेतृत्त्वाखालील महिला संघाने ऑस्ट्रेलियाविरुद्धच्या पराभवाचा बदला घेतला, ऑस्ट्रेलियाची कर्णधार एलिसा हिली पायाच्या दुखापतीमुळे सामन्यातून बाहेर होती. या विजयासह दक्षिण आफ्रिकेनेही महिला टी-२० विश्वचषक स्पर्धेत ऑस्ट्रेलियाला आठ सामन्यांमध्ये पराभूत केले. त्यांनी या स्पर्धेत ऑस्ट्रेलियाच्या सलग १५ सामन्यांच्या विजयी मालिकेला पूर्णविराम लावला.

हेही वाचा – IND vs NZ: भारताच्या वाताहतीला ‘हे दोन’ निर्णय कारणीभूत, रोहित शर्माच्या निर्णयाचा बसला मोठा फटका, तर विराट…

ऑस्ट्रेलियाने दिलेल्या १३५ धावांच्या प्रत्युत्तरात आफ्रिकेने चांगली सुरूवात केली. कर्णधार सलामीवीर लोरा वोल्वार्ड हिने उत्कृष्ट ४२ धावांची खेळी केली तर ब्रिट्स १५ धावा करत बाद झाली. यानंतर सामनावीर ठरलेल्या अॅनेके बॉश हिने ४८ चेंडूत ८ चौकार आणि एका षटकारासह ७४ धावांची शानदार खेळी करत संघाच्या विजयात मोठी भूमिका बजावली. विजयी चौकार लगावत बॉशने आफ्रिकेने अंतिम फेरीत धडक मारली. ऑस्ट्रेलियाकडून सदरलँडला फक्त दोन विकेट घेता आले. याशिवाय ऑस्ट्रेलियाची गोलंदाजी बाजू चांगली कामगिरी करू शकली नाही.

हेही वाचा – IND vs NZ: “विराटला ही जबाबदारी…”, कोहलीला तिसऱ्या क्रमांकावर फलंदाजीला का पाठवलं? रोहित शर्माने केला मोठा खुलासा

दक्षिण आफ्रिकेच्या संघाने नाणेफेक जिंकत प्रथम गोलंदाजी करण्याचा निर्णय घेतला. ऑस्ट्रेलिया प्रथम फलंदाजी करताना ५ बाद १३४ धावांपर्यंत मजल मारू शकला. भारताविरूद्ध सामन्यात चांगली कामगिरी करणारी ग्रेस हॅरिस या सामन्यात अपय़शी ठरली आणि ती ३ धावा करत बाद झाली. तर बेथ मुनीने उत्कृष्ट खेळी खेळत ४२ चेंडूत २ चौकारांसह ४४ धावांची चांगली खेळी केली. यानंतर वेयरहम ५ धावा करत बाद झाली तर ताहिला मॅकग्रा २७ धावा आणि एलिस पेरी ३१ धावा करत बाद झाली. त्यानंतर लिचफिल्डने १६ धावांचे योगदान देत ५ बाद १३४ धावांपर्यंत संघाला नेले. आफ्रिकेकडून अयोबोंगा खाकाने २ विकेट तर मारिजन काप आणि मल्बा यांनी प्रत्येकी एक विकेट घेतली.

टी-२० विश्वचशक २०२४ मधील उपांत्य फेरीतील दुसरा सामना न्यूझीलंड विरूद्ध वेस्ट इंडिज यांच्यात उद्या म्हणजे १८ ऑक्टोबरला खेळवला जाणार आहे. या सामन्यातील विजयी संघ २० ऑक्टोबरला दक्षिण आफ्रिकेविरूद्ध महिला टी-२० विश्वचषक २०२४ चा अंतिम सामना खेळणार आहे.

Story img Loader