दक्षिण आफ्रिकेचे निर्भेळ यश

केशव महाराजने साकारलेल्या हॅट्ट्रिकच्या बळावर दक्षिण आफ्रिकेने दुसऱ्या कसोटी सामन्यात वेस्ट इंडिजवर १५८ धावांनी दणदणीत विजय मिळवला.

केशव महाराज

महाराजची हॅट्ट्रिक

सेंट ल्युशिया : केशव महाराजने साकारलेल्या हॅट्ट्रिकच्या बळावर दक्षिण आफ्रिकेने दुसऱ्या कसोटी सामन्यात वेस्ट इंडिजवर १५८ धावांनी दणदणीत विजय मिळवला. याचप्रमाणे दोन कसोटी सामन्यांच्या मालिकेत २-० असे निभ्रेळ यश मिळवले. सामन्याच्या चौथ्या दिवशी उपाहाराआधीच्या दुसऱ्या षटकात महाराजने किरान पॉवेल, जेसन होल्डर आणि जोशुआ डासिल्व्हा यांना बाद करून हॅट्ट्रिक साकारली. कसोटी क्रिकेटमध्ये हॅट्ट्रिक साकारणारा महाराज हा दक्षिण आफ्रिकेचा दुसरा गोलंदाज ठरला आहे. याआधी १९६०मध्ये जेफ ग्रिफिनने इंग्लंडविरुद्ध हॅट्ट्रिक साकारली होती.

वेगवान गोलंदाज कॅगिसो रबाडाने आघाडीच्या तीन फलंदाजांना तंबूत पाठवल्यामुळे विंडीजवरील दडपण वाढले. परंतु महाराजने ३२४ धावांच्या लक्ष्याचा पाठलाग करणाऱ्या विंडीजचा दुसरा डाव १६५ धावांत गुंडाळला. मार्च २०१७नंतर दक्षिण आफ्रिकेने प्रथमच परदेशात मालिका जिंकण्याची किमया साधली.

वेस्ट इंडिजवर कारवाई

दुबई : षटकांची गती धिमी राखल्याबद्दल सामन्याच्या मानधनापैकी ६० टक्के दंड आणि जागतिक कसोटी अजिंक्यपदाचे सहा गुण वजा करण्याची कारवाई वेस्ट इंडिजवर करण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: South africa keshav maharaj west indies test cricket ssh

ताज्या बातम्या