नोकरीपेक्षा खेळालाच महत्व; ऑलिम्पिक हेच लक्ष्य –राही सरनोबत

टोकिओ ऑलिम्पीक मध्ये सहभागी झालेली राही येथील घरी परतली. तिने बुधवारी प्रसार माध्यमांशी संवाद साधला.

कोल्हापूर : पुढील २०२४ च्या ऑलिम्पिकपर्यंत नोकरीपेक्षा खेळालाच प्राथमिकता असणार आहे, असे मत कोल्हापूरची आंतरराष्ट्रीय नेमबाजपटू राही सरनोबत हिने बुधवारी व्यक्त केले.

टोकिओ ऑलिम्पिकमध्ये सहभागी झालेली राही येथील घरी परतली. तिने बुधवारी प्रसार माध्यमांशी संवाद साधला. यावेळी राहीचे वडील जीवन सरनाेबत, भाऊ आदित्य सरनोबत, राजेंद्र सरनोबत आदी उपस्थित होते.

टोकिओ ऑलिम्पिकचा अनुभव कथन करताना राही म्हणाली, करोनामुळे मुळातच ही स्पर्धा एक वर्षे उशिरा सुरु झाल्याचा मोठा परिणाम खेळाडूंवर झाला. पुन्हा नव्याने तयारी करावी लागली. या अनुभवाचा सकारात्मक फायदा नक्कीच खेळाडूंना होईल. भारतीय नेमबाज संघाच्या प्रशिक्षकांनी खेळाडूंकडून उत्तम कामगिरीसाठी सर्वोतोपरी प्रयत्न केल्याचा माझा अनुभव राहिला आहे, असा उल्लेख करून तिने जर्मनीचे पंच मुखबयार यांची कमतरता जाणवल्याचे नमूद केलं.

नव्याने सुरुवात

पुढील ६ महिने कोणत्याही स्पर्धेत सहभागी होणार नाही. १ सप्टेंबरपासून सरावाची सुरुवात करणार. चुका, त्रुटीमध्ये सुधारणा करून पाया भक्कम करणार. शारीरिक, मानसिक दृष्ट्या खंबीर होवून सराव दुप्पटीने करून जानेवारीपासूनच ऑलिम्पिक पात्रता फेरीत सर्वोच्च कामगिरीची तयारी करणार आहे. नेमबाजीतील यशस्वी कामगिरीची दखल घेऊनच राज्य शासनाने नोकरी दिली आहे. शासनाकडून आवश्यक पाठबळ मिळत असले, तरी काहीबाबतीत उशीर होतो. तरीही खेळाकडे दुर्लक्ष करून नोकरीकडे लक्ष देणं योग्य वाटत नाही, असं राहीने स्पष्ट केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sport is more important than job goal olympics rahi sarnobat ssh

Next Story
सचिन संपलेला नाही!
ताज्या बातम्या