श्रीलंका सुपर ८ मध्ये, ऑस्ट्रेलिया स्पर्धेतून बाहेर? स्पर्धेत टिकून राहण्यासाठी कसं आहे समीकरण?

Australia Super 8 Qualification Scenario: आयसीसी टी -२० वर्ल्डकप स्पर्धेतील सुपर ८ मध्ये जाणारे ५ संघ ठरले आहेत. दरम्यान ऑस्ट्रेलियासाठी कसं आहे समीकरण? जाणून घ्या.

australia cricket team (फोटो- एक्स)

Australia Super 8 Scenario: आयसीसी टी-२० वर्ल्डकप २०२६ स्पर्धा सध्या शेवटच्या टप्प्यात पोहोचली आहे. साखळी फेरीतील सामने शेवटच्या टप्प्यात असून सुपर ८ फेरीत प्रवेश करणारे ५ संघ ठरले आहेत. श्रीलंका आणि ऑस्ट्रेलिया यांच्यात झालेल्या सामन्यात ऑस्ट्रेलियाने श्रीलंकेसमोर विजयासाठी १८२ धावांचे आव्हान ठेवले होते. या आव्हानाचा पाठलाग करताना श्रीलंकेचा पथुम निसांका ऑस्ट्रेलियाच्या गोलंदाजांवर चांगलाच गरजला. निसांकाने दमदार शतकी खेळी करून श्रीलंकेवर ८ गडी राखून दमदार विजयाची नोंद केली आहे. यासह श्रीलंकेचा संघ सुपर ८ फेरीत प्रवेश करणारा पाचवा संघ ठरला आहे.

ऑस्ट्रेलियाचं सुपर ८ मधील स्थान तळ्यात मळ्यात

वर्ल्ड चॅम्पियन ऑस्ट्रेलियाचा संघ टी-२० वर्ल्डकप २०२६ स्पर्धेतून बाहेर होण्याच्या वाटेवर आहे.ऑस्ट्रेलियाने या स्पर्धेतील ३ सामने खेळले आहेत. यापैकी २ सामन्यांमध्ये ऑस्ट्रेलियाला पराभवाचा सामना करावा लागला आहे. ऑस्ट्रेलियाने १ सामना जिंकून २ गुणांची कमाई केली आहे. श्रीलंकेचा संघ ३ पैकी ३ सामने जिंकून ६ गुणांसह गुणतालिकेत अव्वल स्थानी आहे. यासह श्रीलंकेचा संघ टी-२० वर्ल्डकप २०२६ स्पर्धेतील सुपर ८ फेरीत प्रवेश करणारा पाचवा संघ ठरला आहे.

हेही वाचा

IND vs PAK: मैदानात उतरण्याआधीच पाकिस्तानने सामना गमावला होता; R Ashwin ने सांगितलं पराभवाचं नेमकं कारण

श्रीलंकेचा दमदार विजय

या सामन्यात श्रीलंकेने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करण्यासाठी आलेल्या ऑस्ट्रेलियाने दमदार सुरूवात केली. हेड आणि मार्शने सलामीला फलंदाजी करताना १०४ धावा जोडल्या. मिचेल मार्शने ५४ धावांची खेळी केली. तर ट्रॅव्हिस हेडने ५६ धावा केल्या. ऑस्ट्रेलियाला चांगली सुरुवात मिळाली होती. पण हवा तसा शेवट करता आला नाही. ऑस्ट्रेलियाचा डाव १८१ धावांचा आटोपला. या धावांचा पाठलाग करण्यासाठी आलेल्या श्रीलंकेकडून पथुम निसांकाने नाबाद शतकी खेळी केली. तर कुसल मेंडिसने ५१ धावा केल्या. श्रीलंकेने हा सामना ८ गडी राखून विजय मिळवला.

हेही वाचा

कॅच ऑफ द टूर्नामेंट! निसांकाने हवेत उंच उडी घेत टिपला आजवर कधीही न पाहिलेला झेल; VIDEO एकदा पाहाच

ऑस्ट्रेलियाला सुपर ८ फेरीत प्रवेश करण्यासाठी काय करावं लागेल?

झिम्बाब्वेने आतापर्यंत २ सामने खेळले असून दोन्ही सामने जिंकले आहेत. झिम्बाब्वेचे २ सामने शिल्लक आहेत. या २ पैकी एक सामना जिंकून झिम्बाब्वेचा संघ सुपर ८ फेरीत प्रवेश करू शकतो. तर ऑस्ट्रेलियाला पुढील सामना मोठ्या फरकाने जिंकावा लागेल. हा सामना जिंकूनही ऑस्ट्रेलियाचा संघ सुपर ८ फेरीत प्रवेश करण्याची शक्यता कमी आहे. त्यासाठी झिम्बाब्वेने पुढील दोन्ही सामने गमावणं गरजेचं असणार आहे.

AUS vs SL: श्रीलंका सुपर ८ मध्ये, ऑस्ट्रेलिया स्पर्धेतून बाहेर? स्पर्धेत टिकून राहण्यासाठी कसं आहे समीकरण?