IND vs PAK: पाकिस्तान स्पर्धेतून बाहेर होणार? सुपर ८ मध्ये प्रवेश करण्यासाठी असं असेल समीकरण

टी -२० वर्ल्डकप २०२६ स्पर्धेत भारत आणि पाकिस्तानचा समावेश ग्रुप ए मध्ये करण्यात आला आहे. ग्रुप ए मधून नामिबियाचा संघ स्पर्धेतून बाहेर पडला आहे. नामिबियाला स्पर्धेतील तिन्ही सामन्यांमध्ये पराभवाचा सामना करावा लागला आहे. तर भारतीय संघाने स्पर्धेतील तिन्ही सामने जिंकून सुपर ८ मध्ये आपलं स्थान निश्चित केलं आहे. पाकिस्तानने ३ पैकी २ सामने जिंकले आहेत. पाकिस्तानने आतापर्यंत ४ गुणांची कमाई केली आहे. तर अमेरिकेने ४ पैकी २ सामने जिंकले आहेत. पण अमेरिकेचा नेट रन रेट हा पाकिस्तानपेक्षा चांगला आहे.पाकिस्तानला हरवून भारतीय संघाने गुणतालिकेत अव्वल स्थान गाठलं गाठलं आहे. यासह स्पर्धेतील सुपर ८ फेरीत प्रवेश करणारा दुसरा संघ ठरला आहे. याआधी वेस्ट इंडिजने सुपर ८ फेरीत आपलं स्थान निश्चित केलं आहे.

अमेरिकेचा संघ ग्रुप ए मध्ये दुसऱ्या स्थानी आहे. तर लाजिरवाण्या पराभवानंतर पाकिस्तानचा संघ गुणतालिकेत तिसऱ्या स्थानी घसरला आहे. तर २ गुणांसह नेदरलँड्सचा संघ गुणतालिकेत चौथ्या स्थानी आहे आणि नामिबियाचा संघ पाचव्या स्थानी आहे.

पाकिस्तानला सुपर ८ मध्ये स्थान मिळवण्यासाठी काय करावं लागेल?

पाकिस्तानला जर सुपर ८ फेरीत आपलं स्थान निश्चित करायचं असेल तर १८ फेब्रुवारीला नामिबियाविरुद्ध होणाऱ्या सामन्यात विजय मिळवणं गरजेचं असणार आहे. पण जर हा सामना गमावला, तर अमेरिकेचा संघ सुपर ८ मध्ये प्रवेश करेल. कारण अमेरिकेचा नेट रनरेट हा पाकिस्तानहून चांगला आहे. हा सामना जिंकूनही नामिबियाचा संघ अंतिम फेरीत प्रवेश करू शकणार नाही. नेदरलँड्सकडे देखील ४ गुणांपर्यंत पोहोचण्याची संधी आहे. पण नेदरलँड्सचा सामना बलाढ्य भारतीय संघासोबत होणार आहे.