सुरुची सिंहची ‘सुवर्ण’ हॅट्ट्रिक; विश्वचषक नेमबाजी स्पर्धेत चमकदार कामगिरी

म्युनिकमध्ये सुरुचीने २४१.१ गुणांचा वेध घेतला. अंतिम फेरीत सुरुवातीला चीनची कांस्यपदक विजेती कियानक्सुन याओ (२२१.७) हिला मागे टाकल्यानंतर सुरुचीने लक्ष्यभेदात अचूकता राखून १०.५ गुणांसह आघाडी घेतली. विजेतेपदासाठी सुरुचीला ही अचूकता खूप महत्त्वाची ठरली. तिने फ्रान्सच्या कॅमिल जेड्रझेवस्कीला (२४१.७) मागे टाकले. या मोठ्या आघाडीमुळे अखेरच्या संधीला ९.५ गुणांचा वेध घेऊनही सुरुचीच्या विजेतेपदाला धक्का बसला नाही. कॅमिलने अखेरच्या संधीला ९.८ गुणांचा वेध घेतला.

मनूचे अपयश 

सुरुचीने ‘सुवर्ण’ कामगिरी करताना सलग तिसऱ्यांदा ऑलिम्पिकमधील दोन पदकविजेत्या मनू भाकरवर वर्चस्व राखले. पात्रता फेरीत सुरुची ५८८ गुणांसह दुसऱ्या स्थानावर राहिली. मनू ५७४ गुणांसह २५ व्या स्थानावर राहिली. विशेष म्हणजे अंतिम फेरीदरम्यान मनूने समालोचकाची भूमिका बजावताना सुरुचीचे कौतुक केले.