Suryakumar Yadav: सूर्यकुमार यादवने मुंबई इंडियन्सची साथ सोडली, तर कोणत्या संघाकडून खेळणार? ‘या’ ३ संघाकडून मिळू शकते कॅप्टन्सीची ऑफर

आयपीएल २०२६ स्पर्धेदरम्यान मुंबई इंडियन्सच्या ताफ्यात बरच काही घडलं. मुंबईचा संघ गुणतालिकेत तळाशी राहिला. यादरम्यान रोहित शर्मा, सूर्यकुमार यादव, जसप्रीत बुमराह आण हार्दिक पंड्या यापैकी कुठल्याही खेळाडूला नावालास साजेशी कामगिरी करता आली नाही. संघाच्या फ्लॉप कामगिरीनंतर हार्दिक पंड्या मुंबई इंडियन्स संघाची साथ सोडणार असल्याची चर्चा रंगली होती. आता या यादीत सूर्यकुमार यादवचं देखील नाव जोडलं जाण्याची शक्यता आहे. ३ असे संघ आहेत,ज्यांना आगामी हंगामात कर्णधारांची गरज आहे.

कोलकाता नाईट रायडर्स

सूर्यकुमार यादवने आपल्या आयपीएल कारकिर्दीची सुरुवात मुंबई इंडियन्सकडून खेळताना केली होती. त्यानंतर तो काही वर्ष कोलकाता नाईट रायडर्स संघाचा भाग होता. गेल्या २ हंगामापासून अजिंक्य रहाणे कोलकाता नाईट रायडर्स संघाचा कर्णधार आहे. त्याच्या नेतृत्वाखाली खेळताना कोलकाताला प्लेऑफमध्ये प्रवेश करता आलेला नाही. जर सू्र्यकुमार यादव कोलकाता नाईट रायडर्स संघाचा भाग बनला, तर त्याच्याकडे कर्णधारपदाची जबाबदारी सोपवली जाऊ शकते. यासह मधल्या फळीतही तो फलंदाजी करु शकतो.

लखनौ सुपर जायंट्स

लखनौ सुपर जायंट्स संघालाही आगामाी हंगामात कर्णधाराची गरज आहे. आतापर्यंत ऋषभ पंत लखनौ सुपर जायंट्स संघाचा कर्णधार होता. पण या हंगामातही ऋषभ पंत फंलदाज आणि कर्णधार म्हणून पूर्णपणे फ्लॉप ठरला. ही कामगिरी पाहून ऋषभने स्वत:हून कर्णधारपद सोडण्याचा निर्णय घेतला. त्यामुळे आगामी हंगामात लखनौचा संघ सूर्याला आपल्या संघात स्थान देऊन कर्णधारपद देण्याचा विचार करु शकतो.

दिल्ली कॅपिटल्स

दिल्ली कॅपिटल्सचा संघ आजवर एकदाही जेतेपदाची ट्रॉफी जिंकू शकलेला नाही. या संघाने अनेकदा प्लेऑफमध्ये प्रवेश केला आहे. श्रेयस अय्यरच्या नेतृत्वाखाली खेळताना या संघाने अंतिम फेरीत प्रवेश केला होता. पण आयपीएलची ट्रॉफी जिंकता आली नव्हती. गेल्या २ हंगामात दिल्लीच्या नेतृत्वाची जबाबदारी अक्षर पटेलकडे आहे. पण अक्षर पटेललाही नेतृत्वात हवी तशी कामगिरी करता आलेली नाही. आगामी हंगामात दिल्लीचा संघ सूर्यकुमार यादवला आपल्या संघात स्थान देण्याचा प्रयत्न करु शकतो.