T20 WC: राशीद खानच्या नावावर नवा विक्रम; न्यूझीलंडच्या मार्टिन गुप्टिलची विकेट घेताच…

टी २० क्रिकेट प्रकारात राशीद खानची गणती सर्वोत्कृष्ट गोलंदाजात केली जाते. २० षटकांच्या सामन्यात राशीद खानने आणखी एक विक्रम आपल्या नावावर केला आहे.

Rashid_Khan1
T20 WC: राशीद खानच्या नावावर नवा विक्रम; न्यूझीलंडच्या मार्टिन गुप्टिलची विकेट घेताच… (Photo- AP)

टी २० क्रिकेट प्रकारात राशीद खानची गणती सर्वोत्कृष्ट गोलंदाजात केली जाते. २० षटकांच्या सामन्यात राशीद खानने आणखी एक विक्रम आपल्या नावावर केला आहे. टी २० मध्ये ४०० गडी बाद करण्याचा विक्रम त्याने आपल्या नावावर केला आहे. अशी कामगिरी करणार चौथा आणि तिसरा गोलंदाज ठरला आहे. न्यूझीलंड विरुद्धच्या सामन्यात मार्टिन गुप्टिलला बाद करताच राशीद खानचे टी २० क्रिकेटमध्ये ४०० गडी पूर्ण झाले आहेत.

राशीद खानने आपल्या २८९ सामन्यात ४०० गडी बाद करण्याचा विक्रम प्रस्थापित केला आहे. या यादीत वेस्ट इंडिजचा ड्वेन ब्रावो आघाडी आहे. त्याने एकूण ५५३ गडी बाद केले आहेत. त्यानंतर वेस्ट इंडिजच्या सुनील नरिनचा नाव येतं. त्याने ४२५ गडी बाद केले आहेत. इमरान ताहिरही या यादीत आहे. ताहिरने एकूण टी २० क्रिकेटमध्ये ४२द गडी बाद केले आहेत. राशीदच्या नावावर आता ४०० गडी असून शाकिब अल हसनच्या नावावर ३९८ गडी आहेत.

टी २० वर्ल्डकपच्या सुपर १२ फेरीत अफगाणिस्तानला पराभूत करत न्यूझीलंडने उपांत्य फेरीत धडक मारली आहे. अफगाणिस्तानने २० षटकात ८ गडी गमवून १२४ धावा केल्या होत्या. न्यूझीलंडसमोर विजयासाठी १२५ धावांचं आव्हान दिलं होतं. अफगाणिस्तानने विजयासाठी दिलेल्या १२५ धावांचा पाठलाग करताना डेरिल मिशेलच्या रुपाने न्यूझीलंडला पहिला धक्का बसला. मुजीब उर रहमानच्या गोलंदाजीवर मोहम्मद शहजादने त्याचा झेल घेतला. त्याने १२ चेंडूत १७ धावा केल्या. त्यानंतर केन विलियमसन आणि गुप्टिल जोडीने डाव सावरला. संघाची धावसंख्या ५७ असताना मार्टिन गुप्टिल राशीद खानच्या गोलंदाजीवर त्रिफळाचीत झाला. त्याने २३ चेंडूत २८ धावा केल्या. या खेळीत ४ चौकारांचा समावेश आहे. केन विलियमसन आणि डेवॉन कॉनवे यांनी तिसऱ्या गड्यासाठी अर्धशतकी भागीदारी केली आणि संघाचा विजय सोपा केला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 rashid khan took 400 wickets rmt

Next Story
ऑलिम्पिक पदकात पुण्याचाही वाटा -सायना
ताज्या बातम्या