T20 WC 2026 सेमीफायनलचे २ संघ ठरले! असं असणार वेळापत्रक; दोन जागांसाठी ४ संघांमध्ये चुरशीची लढत

T20 World Cup 2026 Semi Final: टी-२० विश्वचषक २०२६ मधील सुपर-८ चे सामने अखेरच्या टप्प्यावर येऊन पोहोचले आहेत. आता सेमीफायनलचे सामने कसे आणि कोणाविरूद्ध होणार, जाणून घेऊया.

T20 WC 2026 Semi Final Schedule and 2 Teams Decided India West Indies Pakistan New Zealand in Contention

टी-२० विश्वचषक सेमीफायनलचे दोन संघ व वेळापत्रक ठरलं (फोटो-लोकसत्ता)

T20 World Cup 2026 Semi Final Teams and Schedule: टी-२० विश्वचषक २०२६ मधील सुपर-८ सामने अखेरच्या टप्प्यात पोहोचले आहेत. सुपर-८ मधील दोन सामने सेमीफायनलच्या दृष्टीने महत्त्वाचे असणार आहेत. तर दक्षिण आफ्रिका आणि झिम्बाब्वे यांच्यातील सामना हा डेड रबर सामना असेल. सेमीफायनलमधील दोन संघ ठरले असून कोणत्या संघाविरूद्ध सामने होणार, जाणून घेऊया.

टी-२० विश्वचषक २०२६ मधील सेमीफायनलचे सामने ४ आणि मार्च या तारखांना होणार आहेत. तर अंतिम सामना ८ मार्चला होणार आहे. सुपर-८ फेरीतून सध्या फक्त २ संघ सेमीफायनलसाठी पात्र ठरले आहे. इंग्लंड संघाने सुपर-८ फेरीतील तिन्ही सामने जिंकत ६ गुणांसह ब गटात अव्वल स्थान पटकावलं आहे. तर ब गटात दक्षिण आफ्रिकेचा संघ ४ गुणांसह सर्वाधिक रन रेटसह पहिल्या स्थानी आहे. त्यामुळे दोन्ही संघ गटात पहिल्या स्थानी राहतील.

आता सेमीफायनलसाठी ब गटात भारत आणि वेस्ट इंडिज यांच्यात नॉकआऊट सामना असणार आहे. या दोन्हींपैकी विजेता संघ सेमीफायनलसाठी पात्र ठरणार आहे. तर ब गटात पाकिस्तान आणि न्यूझीलंडचे संघ सेमीफायनलच्या शर्यतीत आहेत. पाकिस्तानला विजय मिळवण्यासाठी श्रीलंकेविरूद्ध मोठा विजय मिळवावा लागणार आहे. (पाकिस्तानसाठी सेमीफायनल समीकरण वाचण्याकरता इथे क्लिक करा) अन्यथा न्यूझीलंड संघ सेमीफायनलसाठी पात्र ठरेल. श्रीलंकेचा संघ सुरूवातीचे दोन्ही सामने पराभूत होत स्पर्धेबाहेर झाला आहे. तर अ गटातील झिम्बाब्वेला सुपर-८ टप्प्यात दोन मोठ्या पराभवांना सामोरं जावं लागल्याने ते स्पर्धेतून बाहेर झाले.

हेही वाचा

पाकिस्तानला सेमीफायनल गाठण्यासाठी कसं आहे समीकरण? इंग्लंडच्या विजयामुळे बदललं गणित; तर न्यूझीलंडचा संघ…

टी-२० विश्वचषक २०२६ च्या सुपर-८ टप्प्यातील सेमीफायनलच्या दृष्टीने दोन महत्त्वाचे सामने खेळवले जाणार आहेत. पहिला सामना पाकिस्तान आणि श्रीलंका यांच्यात २८ फेब्रुवारी २०२६ ला पल्लेकलेच्या मैदानावर होणार आहे. हा सामना संध्याकाळी ७ वाजता खेळवला जाईल. तर दुसरा सामना भारत आणि वेस्ट इंडिज संघांमध्ये खेळवला जाईल. हा सामना १ मार्च रोजी कोलकाताच्या ईडन गार्डन्स मैदानावर खेळवला जाणार आहे. या दोन्ही सामन्यांनंतर सेमीफायनलचे चारही संघ निश्चित होती.

हेही वाचा

इंग्लंडचा न्यूझीलंड संघावर रोमांचक विजय, फिलिप्सचं षटक ठरलं टर्निंग पॉईंट, किवींसाठी सेमीफायनलचं समीकरण बदललं

दोन्ही गटातील दोन अव्वल संघ सेमीफायनलसाठी पात्र ठरतील. ज्यात दक्षिण आफ्रिका व इंग्लंडचे संघ आहेत. त्यामुळे इंग्लंडचा सेमीफायनल सामना हा भारत आणि वेस्ट इंडिज यांच्यातील विजेत्या संघाविरूद्ध होणार आहे. तर दक्षिण आफ्रिकेचा सामना पाकिस्तान किंवा न्यूझीलंड यांच्यापैकी एका संघाविरूद्ध असेल. पहिला सेमीफायनल सामना हा मुंबईत वानखेडे स्टेडियममध्ये होईल, जर पाकिस्तानचा संघ सेमीफायनलला पोहोचला तर सामना कोलंबोत होईल अन्यथा कोलकातामधील ईडन गार्डन्समध्ये दुसरा सेमीफायनल सामना खेळवला जाईल.

हेही वाचा

“प्रामाणिकपणे सांगायचं तर गोलंदाजीत…”, सूर्याचं भारताच्या विजयानंतर मोठं वक्तव्य, सामन्यानंतर गोलंदाजांना सुनावलं

टी-२० विश्वचषक २०२६ सेमीफायनलचं वेळापत्रक

४ मार्च २०२६ – इंग्लंड विरूद्ध भारत/वेस्ट इंडिज, मुंबई-वानखेडे स्टेडियम

५ मार्च २०२६ – दक्षिण आफ्रिका विरूद्ध पाकिस्तान/न्यूझीलंड, कोलंबो/कोलकाता