scorecardresearch

Premium

Video: “आता आपल्याला शांत बसून चालणार नाही, आपल्याला वर्ल्डकप…”; पाकिस्तानचा कर्णधार बाबर आझमची हात जोडून विनंती

टी २० वर्ल्डकपच्या पहिल्याच सामन्यात पाकिस्ताननं भारताला १० गडी राखून पराभूत केलं. वर्ल्डकपमध्ये पाकिस्तान संघाचा भारताविरुद्धचा पहिलाच विजय आहे.

Babar_Azam_Request
Video: "आता आपल्याला शांत बसून चालणार नाही, आपल्याला वर्ल्डकप…"; पाकिस्तानचा कर्णधार बाबर आझमची हात जोडून विनंती (Photo- Twitter)

टी २० वर्ल्डकपच्या पहिल्याच सामन्यात पाकिस्ताननं भारताला १० गडी राखून पराभूत केलं. वर्ल्डकपमध्ये पाकिस्तान संघाचा भारताविरुद्धचा पहिलाच विजय आहे. यामुळे पाकिस्तान संघात आनंदाचं वातावरण आहे. पाकिस्तानी खेळाडू आणि चाहत्यांनी मैदानात आनंद साजरा केला. त्यानंतर ड्रेसिंग रुममध्येही खेळाडूंनी जल्लोष केला. मात्र पाकिस्तान कर्णधार बाबर आझम याने संघ सदस्यांना कानमंत्र दिला. या यशाने हुरळून न जाता आपल्याला वर्ल्डकप जिंकायचं आहे, असा सल्ला दिला.

“आपण संघ म्हणून जिंकलो आहोत. ही बाब आपल्याला सोडायची नाही. ही फक्त सुरुवात आहे. आनंद साजरा करा, पण अतिउत्साही होऊ नका. उद्याचा दिवस पण आपण आनंद साजरा करत राहू, तर हे लक्षात ठेवा पुढेही आपले सामने आहेत. आपल्याला पुढे लक्ष्य केंद्रीत करायचं आहे. हा सामना झाला. आता आपलं ध्येय एकच आहे, वर्ल्डकप जिंकणं. आपल्याला शांत बसून चालणार नाही. गोलंदाजी, फलंदाजी आणि क्षेत्ररक्षणात सर्वांनी १०० टक्के द्या. संघ म्हणून आज आपण जिंकलो आहोत. अतिउत्साही होऊ नका, ही विनंती तुम्हाला करतो.”, असं बाबर आझमने ड्रेसिंग रुममध्ये खेळाडूंना सांगितलं.

Justin truedeo and narendra modi
निज्जर हत्येप्रकरणी भारतावर आरोप करणाऱ्या कॅनडाला उपरती; पंतप्रधान ट्रुडो म्हणाले, “जगभरात भारताचा प्रभाव…”
Royal Enfield Bullet 350 launched
नाद करायचा नाय! बाकी कंपन्या बघतच राहिल्या, देशात दाखल झाली नवी बुलेट, किंमत फक्त…
elders saved the child slife Varanasi Viral Video
VIDEO: पावसाच्या पाण्यात विजेचा धक्का बसल्याने तडफडत होता चिमुकला, देवदूत बनून आलेल्या वृद्धांनी वाचवले प्राण
eknath shinde bjp flag
“…अन्यथा भाजपात प्रवेश केला असता”, शिंदे गटातील मंत्र्याचं मोठं विधान

दुबई येथे झालेल्या या सामन्यात भारताचे पारडे जड मानले जात होते. मात्र, कोहलीच्या संघाला अपेक्षित खेळ करण्यात अपयश आले. १५२ धावांचे लक्ष्य पाकिस्तानने १७.५ षटकांत गाठत टी-२० विश्वचषकात भारतावर सहा प्रयत्नांत पहिल्या विजयाची नोंद केली. रिझवानने ५५ चेंडूत सहा चौकार आणि तीन षटकारांच्या सहाय्याने नाबाद ७९ धावांची, तर आझमने ५२ चेंडूत सहा चौकार, दोन षटकारांच्या मदतीने नाबाद ६८ धावांची खेळी साकारली. रिझवान आणि आझम या भरवशाच्या सलामीवीरांनी या वर्षांतील चौथी शतकी भागीदारी रचली. हा एक विक्रम ठरला. २०२१ या वर्षामध्ये जगातील कोणत्याच संघाच्या दोन फलंदाजांना हा पराक्रम करता आलेला नाही. विराटनेही सामना संपल्यानंतर या दोघांचं अभिनंदन केल्याचं पहायला मिळालं.

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: T20 wc pakistan captain babar azam request teammate after won against india rmt

संबंधित बातम्या

तुम्ही या बातम्या वाचल्या आहेत का? ×