VIDEO : ‘‘हा चौकार तुझ्या…”, स्कॉटलंडच्या फलंदाजानं वटारले डोळे; मग भडकलेल्या ट्रेंट बोल्टनं….

वेगवान गोलंदाज ट्रेंट बोल्ट आणि स्कॉटिश फलंदाजाचा ‘तो’ VIDEO होतोय व्हायरल!

t20 wc trent boult asked george munsey to keep photo of his on drive against him
न्यूझीलंड विरुद्ध स्कॉटलंड

टी-२० विश्वकरंडक स्पर्धेत आज न्यूझीलंड विरुद्ध स्कॉटलंड लढत रंगत आहे. या सामन्यात स्कॉटलंडने नाणेफेक जिंकून प्रथम गोलंदाजी स्वीकारली. सलामीवीर मार्टिन गप्टिलच्या शानदात ९३ धावांच्या जोरावर न्यूझीलंडने स्कॉलंडसमोर १७३ धावांचे आव्हान ठेवले. या सामन्यात न्यूझीलंडचा विजय निश्चित मानला जात असला, तरी स्कॉटलंडने दमदार सुरुवात केली. दरम्यान स्कॉटिश फलंदाज जॉर्ज मुन्सीने केलेल्या एका गोष्टीमुले न्यूझीलंडचा वेगवान गोलंदाज ट्रेट बोल्ट भडकला.

स्कॉटलंड संघ फलंदाजी करताना तिसरे षटक बोल्ट टाकत होता. या षटकाच्या शेवटच्या चेंडूवर मुन्सीने त्याला सुरेख ऑन ड्राइव्ह चौकार खेचला. या चौकारानंतर मुन्सीने बोल्टला डोळे वटारले. भडकलेल्या बोल्टने प्रत्युत्तरात ”हा चौकार तुझ्या कॅमेऱ्यात कैद कर”, अशा आशयाची कृती केली. बोल्ट-मुन्सीचे हे द्वंद्व सोशल मीडियावरही चर्चेचे ठरले आहे.

हेही वाचा – १४ वर्षानंतर सेहवागचा खुलासा..! २००७ वर्ल्डकपमधील सुमार कामगिरीसाठी ‘या’ व्यक्तीला धरलं जबाबदार

आठव्या षटकात फिरकीपटू ईश सोधीला मुन्सीने दोन षटकार ठोकले. मात्र सोधीने बदसा घेत त्याला तंबूत धाडले. मुन्सीने २२ धावा केल्या. स्कॉटलंडनं आतापर्यंत दोन सामने गमावले आहेत. तर न्यूझीलंडने एका सामन्यात विजय, तर एका सामन्यात पराभवाचे तोंड पाहावे लागले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 wc trent boult asked george munsey to keep photo of his on drive against him adn

Next Story
VIDEO : ‘धीरे धीरे’ गाणे तेही संस्कृतमध्ये ऐकलेत का तुम्ही?
ताज्या बातम्या