T20 World Cup 2021: अफगाणिस्तानचा दबदबा

नने दिलेल्या १९१ धावांचा पाठलाग करताना स्कॉटलंडचा डाव अवघ्या ६० धावांत संपुष्टात आला.

शारजा : मुजीब उर रहमान (५/२०) आणि रशीद खान (४/९) या फिरकी जोडीसमोर स्कॉटलंडच्या फलंदाजांनी अक्षरश: शरणागती पत्करली. त्यामुळे ट्वेन्टी-२० विश्वचषकातील सोमवारी झालेल्या ‘अव्वल-१२’ फेरीच्या सामन्यात अफगाणिस्तानने तब्बल १३० धावांनी दणदणीत विजयाची नोंद केली.

अफगाणिस्तानने दिलेल्या १९१ धावांचा पाठलाग करताना स्कॉटलंडचा डाव अवघ्या ६० धावांत संपुष्टात आला. तीन षटकांत बिनबाद २७ धावा केल्यानंतर मुजीबने चौथ्या षटकात तीन बळी मिळवून स्कॉटलंडच्या डावाला खिंडार पाडले. मग त्यांची ५ बाद ३६ धावसंख्या असताना गोलंदाजीला आलेल्या रशीदने शेपटाला गुंडाळले.

तत्पूर्वी, प्रथम फलंदाजी करताना अफगाणिस्तानने ४ बाद १९० अशी धावसंख्या उभारली. मोहम्मद शहझाद (२२) आणि हश्मतुल्ला झझई (४४) यांनी पाच षटकांत ५४ धावांची सलामी दिल्यावर नजीबुल्ला झादरानने (५९) गुरबाजसह (४६) तिसऱ्या गडय़ासाठी ८७ धावांची भागीदारी रचून संघाला पावणेदोनशे धावांपलीकडे नेले.

संक्षिप्त धावफलक

अफगाणिस्तान : २० षटकांत ४ बाद १९० (नजीबुल्ला झादरान ५९, रहमनुल्ला गुरबाज ४६; साफीयान शरीफ २/३३) विजयी वि. स्कॉटलंड : १०.२ षटकांत सर्व बाद ६० (जॉर्ज मुन्सी २५; मुजीब उर रहमान ५/२०, रशीद खान ४/९)

’ सामनावीर : मुजीब उर रहमान

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 world cup 2021 afghanistan win by 130 runs after scotland batting collapse zws

Next Story
विजयी भव !
ताज्या बातम्या