T20 World Cup 2021 : श्रीलंकेविरुद्धच्या लढतीत डीकॉकवर सर्वाचे लक्ष

ऑस्ट्रेलियाविरुद्ध सलामीची लढत गमावणाऱ्या आफ्रिकेने विंडीजचा सहज पराभव केला.

शारजा : ट्वेन्टी-२० विश्वचषकाच्या ‘अव्वल-१२’ फेरीत शनिवारी श्रीलंकेविरुद्ध होणाऱ्या सामन्यात दक्षिण आफ्रिकेचा प्रमुख फलंदाज क्विंटन डीकॉकच्या कामगिरीकडे सर्वाच्या नजरा असतील.

यष्टिरक्षक फलंदाज डीकॉकने वर्णद्वेषविरोधी मोहिमेला पाठिंबा न दर्शवता विंडीजविरुद्धच्या लढतीतून माघार घेतली होती. परंतु दुसऱ्याच दिवशी त्याने माफी मागून विश्वचषकात खेळणार असल्याचे सांगितले. ऑस्ट्रेलियाविरुद्ध सलामीची लढत गमावणाऱ्या आफ्रिकेने विंडीजचा सहज पराभव केला. त्यामुळे आता सलग दुसरा विजय मिळवून उपांत्य फेरीची दावेदारी भक्कम करण्याचा त्यांचा प्रयत्न असेल.

दुसरीकडे दसून शनकाच्या नेतृत्वाखालील श्रीलंकेने बांगलादेशला धूळ चारल्यावर ऑस्ट्रेलियाकडून त्यांना हार पत्करावी लागली. त्यामुळे विजयपथावर परतण्यासाठी ते उत्सुक आहेत. चरिथ असलंका, भानुका राजपक्षे यांच्यावर फलंदाजीची, तर वनिंदू हसरंगा, महीष थीक्षणा या फिरकी जोडीवर श्रीलंकेच्या गोलंदाजीची भिस्त आहे.

’ वेळ : दुपारी ३.३० वा.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 world cup 2021 all eyes on decock in the match against sri lanka zws

Next Story
सर्वसामान्य चाहत्यांसाठी फक्त सहा हजार तिकिटे
ताज्या बातम्या