T20 WC: उपांत्य फेरीतबाबत ऑस्ट्रेलियाच्या माजी क्रिकेटपटूनं वर्तवलं भाकीत; “भारत, पाकिस्तान…”

ऑस्ट्रेलियाचा माजी क्रिकेटपटू ब्रॅड हॉगनं उपांत्य फेरीबाबत भाकीत वर्तवलं आहे. सुपर १२ मधील चार संघांना त्यांनी पसंती दिली आहे.

Brad_hogg_Ind_Pak
T20 WC: उपांत्य फेरीतबाबत ऑस्ट्रेलियाच्या माजी क्रिकेटपटूनं वर्तवलं भाकीत; "भारत, पाकिस्तान…" (Photo- MPL And BRAD HOGG TWITTER)

टी २० वर्ल्डकपमध्ये पात्रता फेरीचे सामने सुरु असताना ऑस्ट्रेलियाचा माजी क्रिकेटपटू ब्रॅड हॉगनं उपांत्य फेरीबाबत भाकीत वर्तवलं आहे. सुपर १२ मधील चार संघांना त्यांनी पसंती दिली आहे. ब्रॉड यांच्या मते उपांत्य फेरीत भारत, पाकिस्तान, वेस्ट इंडिज आणि इंग्लंड हे पोहोचतील. माजी क्रिकेटपटू दीप दासगुप्ता यांच्या यू-ट्यूब चॅनेलवर चर्चेदरम्यान त्यांनी याबाबतची भविष्यवाणी केली आहे. तर ऑस्ट्रेलिया संघाला त्यांनी पसंती दिलेली नाही. हा वर्ल्डकप भारत किंवा पाकिस्तान जिंकेल असंही त्यांनी पुढे सांगितलं.

“माझ्या मते गट १ मधून इंग्लंड आणि वेस्ट इंडिज उपांत्य फेरीत पोहोचतील. तर गट २ मधून भारत आणि पाकिस्तान उपांत्य फेरीत पोहोचतील.”, असं ब्रॅड हॉगने सांगितलं. “पाकिस्तान संघ उपांत्य फेरीत पोहोचू शकतो मात्र यासाठी त्यांना भारताला पराभूत करावं लागेल”, असं त्यांनी स्पष्ट केलं. “भारताविरुद्धचा पहिला सामना पाकिस्तानने गमवल्यास त्यांच्याकडे न्यूझीलंडविरुद्धचा सामना जिंकत पुनरागमन करण्याची खूप कमी संधी आहे. त्यामुळे थोडं गणित बदलेल. पाकिस्तानने भारताविरुद्धचा सामना गमवल्यास उपांत्य फेरीत स्थान मिळवणं कठीण आहे. अशात भारत उपांत्य फेरीत नक्की पोहोचेल”, असंही ब्रॅड हॉग यांनी सांगितलं.

भारताने टी २० वर्ल्डकपपूर्वीच्या सराव सामन्यात इंग्लंड आणि ऑस्ट्रेलियाला पराभूत केलं आहे. त्यामुळे भारतीय संघाचा आत्मविश्वास दुणावला आहे. सराव सामन्यात इशान किशन, रोहित शर्मा, केएल राहुल यांनी चांगली कामगिरी केली आहे.

टी-२० विश्वचषकासाठी भारतीय संघ

विराट कोहली (कर्णधार), रोहित शर्मा (उपकर्णधार), केएल राहुल, सूर्यकुमार यादव, ऋषभ पंत (यष्टीरक्षक), इशान किशन, हार्दिक पंड्या, रवींद्र जडेजा, राहुल चहर, रवीचंद्रन अश्विन, शार्दुल ठाकूर, वरुण चक्रवर्ती, जसप्रीत बुमराह, भुवनेश्वर कुमार, मोहम्मद शमी

स्टँड-बाय खेळाडू: श्रेयस अय्यर, दीपक चहर, अक्षर पटेल

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 world cup former australian cricketer predicts semi finals rmt

Next Story
ऑलिम्पिक पदकात पुण्याचाही वाटा -सायना
ताज्या बातम्या
फोटो गॅलरी