T20 WC IND vs NZ : न्यूझीलंडची विजयी परंपरा कायम..! भारताचा लाजिरवाणा पराभव

दुबईच्या मैदानावर न्यूझीलंडने भारताला ८ गड्यांनी मात दिली.

T20 World Cup india vs new zealand live match updates
न्यूझीलंडची भारतावर सहज मात

टी-२० विश्वचषक २०२१ स्पर्धेत टीम इंडियाने निराशाजनक कामगिरी सुरूच ठेवली आहे. दुबईच्या मैदानावर आज भारताला ८ गडी राखून न्यूझीलंडकडून लाजिरवाण्या पराभवाला सामोरे जावे लागले. उपांत्य फेरीच्या शर्यतीसाठी अतिमहत्त्वाच्या असलेल्या या सामन्यात न्यूझीलंडचा कप्तान केन विल्यमसनने नाणेफेक जिंकून प्रथम गोलंदाजीचा निर्णय घेतला. वेगवान गोलंदाज ट्रेंट बोल्ट आणि फिरकीपटू ईश सोधी यांनी केलेल्या शिस्तबद्ध माऱ्यासमोर टीम इंडियाच्या फलंदाजांनी सपशेल शरणागती पत्करली. न्यूझीलंडने भारताला २० षटकात ७ बाद ११० धावांवर रोखले. प्रत्युत्तरात सलामीवी डॅरिल मिशेल आणि केन विल्यमसन यांनी दमदार भागीदारी रच न्यूझीलंडच्या विजयावर सहज शिक्कामोर्तब केले. सोधीला सामनावीर पुरस्काराने गौरवण्यात आले. टी-२० विश्वचषकात न्यूझीलंडने भारताला पराभूत करण्याची परंपरा कायम राखली. या पराभवामुळे भारताची उपांत्य फेरी गाठण्याची आशा धुसर झाली आहे.

न्यूझीलंडचा डाव

भारताच्या छोटेखानी धावसंख्येचा पाठलाग करताना न्यूझीलंडचे सलामीवीर मार्टिन गप्टील आणि डॅरिल मिशेल यांनी आक्रमक सुरुवात केली. झटपट २० धावा बनवल्यानंतर गप्टिलने वेगवान गोलंदाज जसप्रीत बुमराहला मोठा फटका खेळण्याचा प्रयत्न केला. पण तो अपयशी ठरला. गप्टिल तंबूत परतल्यानंतर मिशेलने मोर्चा सांभाळला. कप्तान केन विल्यमसनने मिशेलला त्याचा नैसर्गिक खेळ खेळू दिला. या दोघांनी एकेरी, दुहेरी आणि मोक्याच्या क्षणी चौकार-षटकार ठोकत भारतावर दबाव वाढवला. न्यूझीलंड विजयाकडे सहज वाटचाल करत असताना मिशेल बाद झाला. त्याने ४ चौकार आणि ३ षटकारांसह ४९ धावा केल्या. त्यानंतर विल्यमसनने डेव्हॉन कॉन्वेला सोबत घेत १५व्या षटकात न्यूझीलंडच्या विजयावर शिक्कामोर्तब केले. विल्यमसन ३३ धावांवर नाबाद राहिला.

भारताचा डाव

नियमित सलामीवीरांपेक्षा वेगळा प्रयत्न म्हणून टीम इंडियाने इशान किशन आणि केएल राहुल ही जोडी आजमावून पाहिली. पण न्यूझीलंडने त्यांचा प्रयोग अयशस्वी ठरवला. वेगवान गोलंदाज ट्रेंट बोल्टने इशानला (४) तर पॉवरप्लेच्या शेवटच्या षटकात टीम साउदीने राहुलला झेलबाद केले. राहुलने ३ चौकारांसह १८ धावा केल्या. पॉवरप्लेमध्ये भारताला २ बाद ३५ धावा करता आल्या. तिसऱ्या क्रमांकावर आलेला रोहित शर्मा आणि कप्तान विराट कोहलीकडून आधाराची अपेक्षा होती, पण फिरकीरपटू ईश सोधीने दोघांना जाळ्यात अडकले. त्यानंतर ऋषभ पंतही (१२) माघारी परतला. संथ खेळणारा हार्दिकही १९व्या षटकात माघारी परतला. शेवटच्या षटकात रवींद्र जडेजाने ११ धावा कुटल्यामुळे भारताा शंभरीपार पोहोचता आले. डावाच्या शेवटच्या षटकात भारताने शतक पूर्ण केले. या षटकात भारताने ११ धावा काढल्या. २० षटकात भारताने ७ बाद ११० धावा केल्या. रवींद्र जडेजाने २ चौकार आणि एका षटकारासह नाबाद २६ धावा केल्या. न्यूझीलंडकडून बोल्टने २० धावांत ३ तर सोधीने १७ धावांत २ बळी घेतले.

Live Updates
10:28 (IST) 31 Oct 2021
न्यूझीलंडचा सहज विजय

विल्यमसनने डेव्हॉन कॉन्वेला सोबत घेत १५व्या षटकात न्यूझीलंडच्या विजयावर शिक्कामोर्तब केले. विल्यमसन ३३ धावांवर नाबाद राहिला. या विजयासह न्यूझीलंडने आपले गुणांचे खाते उघडले. तर पराभवामुळे भारताची उपांत्य फेरी गाठण्याची आशा धुसर झाली आहे.

10:16 (IST) 31 Oct 2021
मिशेलचे अर्धशतक हुकले

१३व्या षटकात सलामीवीर मिशेलचे अर्धशतक हुकले. बुमराहने त्याला झेलबाद केले. त्याने ४ चौकार आणि ३ षटकारांसह ४९ धावा केल्या.

10:12 (IST) 31 Oct 2021
१२ षटकात न्यूझीलंड

१२ षटकात न्यूझीलंडने १ बाद ९४ धावा केल्या.

10:01 (IST) 31 Oct 2021
१० षटकात न्यूझीलंड

१०व्या षटकात मिशेलने शार्दुल ठाकूरला १४ धावा चोपल्या. १० षटकात न्यूझीलंडने १ बाद ८३ धावा केल्या.

9:52 (IST) 31 Oct 2021
७ षटकात न्यूझीलंड

सातव्या षटकात न्यूझीलंडने अर्धशतक फलकावर लावले. ८ षटकात न्यूझीलंडने १ बाद ६४ धावा केल्या.

9:43 (IST) 31 Oct 2021
पॉवरप्लेमध्ये न्यूझीलंड

पॉवरप्लेचे शेवटचे षटक रवींद्र जडेजाने टाकले. या षटकात मिशेलने एक षटकार आणि दोन चौकार खेचले. ६ षटकात न्यूझीलंडने १ बाद ४४ धावा केल्या.

9:39 (IST) 31 Oct 2021
५ षटकात न्यूझीलंड

५ षटकात न्यूझीलंडने १ बाद ३० धावा केल्या.

9:35 (IST) 31 Oct 2021
भारताला पहिले यश

चौथ्या षटकात जलदगती गोलंदाज जसप्रीत बुमराहने भारताला पहिले यश मिळवून दिले. त्याने गप्टिलला (२०) धावांवर शार्दुलकरवी झेलबाद केले. गप्टिलनंतर कप्तान केन विल्यमसन मैदानात आला आहे. ४ षटकात १ बाद २८ धावा केल्या.

9:29 (IST) 31 Oct 2021
तिसऱ्या षटकात न्यूझीलंड

फिरकीपटू वरुण चक्रवर्तीने तिसरे षटक टाकले. या षटकात गप्टिलने २ चौकार ठोकले. ३ षटकात न्यूझीलंडने बिनबाद १८ धावा केल्या.

9:26 (IST) 31 Oct 2021
न्यूझीलंडच्या फलंदाजीला सुरुवात

मार्टिन गप्टील आणि डॅरिल मिशेल यांनी सलामी दिली. २ षटकात न्यूझीलंडने बिनबाद ६ धावा केल्या.

9:09 (IST) 31 Oct 2021
भारताचे न्यूझीलंडला १११ धावांचे आव्हान

डावाच्या शेवटच्या षटकात भारताने शतक पूर्ण केले. या षटकात भारताने ११ धावा काढल्या. २० षटकात भारताने ७ बाद ११० धावा केल्या. रवींद्र जडेजाने २ चौकार आणि एका षटकारासह नाबाद २६ धावा केल्या. न्यूझीलंडकडून बोल्टने २० धावांत ३ तर सोधीने १७ धावांत २ बळी घेतले.

8:59 (IST) 31 Oct 2021
हार्दिक-शार्दुल माघारी

१९व्या षटकात भारताने हार्दिक पंड्यालाही गमावले. बोल्टने त्याला गप्टिलकरवी झेलबाद केले. हार्दिकनंतर शार्दुल ठाकूर मैदानात आला आहे. हार्दिकने २३ धावा केल्या. याच षटकात बोल्टने शार्दुलाही तंबूत धाडले. १९ षटकात भारताने ७ बाद ९९ धावा केल्या.

8:56 (IST) 31 Oct 2021
१८ षटकात भारत

१८ षटकात भारताने ५ बाद ९४ धावा केल्या.

8:52 (IST) 31 Oct 2021
१७ षटकात भारत

१७ षटकात भारताने ५ बाद ८६ धावा केल्या.

8:48 (IST) 31 Oct 2021
१६ षटकात भारत

१६ षटकात भारताने ५ बाद ७८ धावा केल्या.

8:42 (IST) 31 Oct 2021
ऋषभ पंतची दांडी गुल!

१५व्या षटकात मिल्नेने पंतचा त्रिफळा उद्ध्वस्त करत भारताला पाचवा धक्का दिला. पंतने १२ धावा केल्या. पंतनंतर रवींद्र जडेजा मैदानात आला आहे. १५ षटकात भारताने ५ बाद ७३ धावा केल्या.

8:36 (IST) 31 Oct 2021
१४ षटकात भारत

१४ षटकात भारताने ४ बाद ६७ धावा केल्या.

8:31 (IST) 31 Oct 2021
१३ षटकात भारत

१३ षटकात भारताने ४ बाद ६२ धावा केल्या.

8:27 (IST) 31 Oct 2021
१२ षटकात भारत

१२ षटकात भारताने ४ बाद ५८ धावा केल्या.

8:23 (IST) 31 Oct 2021
विराट कोहली माघारी

सुरुवातीच्या पडझडीनंतर विराटकडून आधार मिळेल असे सर्वांना वाटत होते, पण न्यूझीलंडने टीम इंडियाला अजून एक दणका दिला. ११व्या षटकात सोधीने विराटला झेलबाद केले. विराटला ९ धावा करता आल्या. विराटनंतर हार्दिक पंड्या मैदानात आला आहे. ११ षटकात भारताने ४ बाद ५२ धावा केल्या.

8:16 (IST) 31 Oct 2021
१० षटकात भारत

१० षटकात भारताने ३ बाद ४८ धावा केल्या.

8:13 (IST) 31 Oct 2021
नऊ षटकात भारत

नऊ षटकात भारताने ३ बाद ४३ धावा केल्या.

8:09 (IST) 31 Oct 2021
भारताला ‘जबर’ धक्का

न्यूझीलंडचा फिरकीपटू ईश सोधीने आठवे षटक टाकले. त्याने रोहित शर्माला माघारी धाडले. रोहितने १४ धावा केल्या. रोहितनंतर ऋषभ पंत मैदानात आला आहे. ८ षटकात भारताने ३ बाद ४१ धावा केल्या.

8:03 (IST) 31 Oct 2021
सात षटकात भारत

सात षटकात भारताने २ बाद ३७ धावा केल्या.

8:00 (IST) 31 Oct 2021
पॉवरप्लेमध्ये भारत

पॉवरप्लेमध्ये भारताने २ बाद ३५ धावा केल्या.

8:00 (IST) 31 Oct 2021
भारताला दुसरा धक्का; राहुल माघारी

पॉवरप्लेच्या शेवटच्या षटकात साउदीने राहुलला झेलबाद केले. राहुलने ३ चौकारांसह १८ धावा केल्या. राहुलनंतर विराट मैदानात आला आहे.

7:55 (IST) 31 Oct 2021
पाच षटकात भारत

पाच षटकात भारताने १ बाद २९ धावा केल्या. या षटकात रोहितने मिल्नला एक चौकार आणि एक अप्रतिम षटकार ठोकला.

7:49 (IST) 31 Oct 2021
चौथ्या षटकात भारत

चौथ्या षटकात भारताने १ बाद १४ धावा केल्या.

7:47 (IST) 31 Oct 2021
रोहितला जीवदान

इशाननंतर रोहित फलंदाजीला आला. पहिल्याच चेंडूवर रोहितला जीवदान मिळाले. बोल्टच्या गोलंदाजीवर मिल्नेने रोहितचा सोपा झेल सोडला. ३ षटकात भारताने १ बाद १२ धावा केल्या.

7:44 (IST) 31 Oct 2021
भारताला पहिला धक्का

तिसऱ्या षटकात इशानने भारतासाठी दुसरा चौकार ठोकला. पण ट्रेंट बोल्टने याच षटकात त्याला झेलबाद केले. इशानने ४ धावा केल्या.

7:40 (IST) 31 Oct 2021
दुसऱ्या षटकात भारत

दुसऱ्या षटकात राहुलने भारतासाठी पहिला चौकार ठोकला. भारताने बिनबाद ६ धावा केल्या आहेत.

7:35 (IST) 31 Oct 2021
पहिल्या षटकात भारत

पहिल्या षटकात भारताने बिनबाद एक धाव केली.

7:30 (IST) 31 Oct 2021
भारताचे सलामीवीर मैदानात

केएल राहुल आणि डावखुरा इशान किशन हे भारताचे सलामीवीर मैदानात आले आहेत.

7:12 (IST) 31 Oct 2021
भारतीय संघात दोन बदल

आज विराटने शार्दुल ठाकूर आणि इशान किशनला संधी दिली आहे. मुंबईकर खेळाडू सूर्यकुमार यादव दुखापतीमुळे आजच्या सामन्यातून बाहेर पडला आहे. शार्दुलने भुवनेश्वरची जागा घेतली आहे.

7:07 (IST) 31 Oct 2021
दोन्ही संघांची प्लेईंग इलेव्हन

भारत – विराट कोहली (कर्णधार), रोहित शर्मा, केएल राहुल, इशान किशन, ऋषभ पंत (यष्टीरक्षक), हार्दिक पंड्या, रवींद्र जडेजा, शार्दुल ठाकूर, मोहम्मद शमी, वरुण चक्रवर्ती, जसप्रीत बुमराह.

न्यूझीलंड – केन विल्यमसन (कर्णधार), मार्टिन गप्टिल, डॅरिल मिशेल, डेव्हन कॉन्वे (यष्टीरक्षक), ग्लेन फिलिप्स, जिमी नीशम, मिचेल सेंटनर, ईश सोधी, टिम साउदी, अॅडम मिल्ने, ट्रेंट बोल्ट.

7:05 (IST) 31 Oct 2021
न्यूझीलंडनं जिंकला टॉस

न्यूझीलंडचा कप्तान केन विल्यमसनने नाणेफेक जिंकून प्रथम गोलंदाजीचा निर्णय घेतला आहे.

5:36 (IST) 31 Oct 2021
टी-२० विश्वचषकात किवी संघाचे वर्चस्व

टी-२० विश्वचषकात भारत आणि न्यूझीलंडमध्ये आतापर्यंत दोन सामने झाले असून त्यात किवी संघाने वर्चस्व राखले आहे. न्यूझीलंडने २००७ च्या टी-२० विश्वचषकात भारताचा १० विकेट्सने तर २०१६ टी-२० विश्वचषक स्पर्धेत ४७ धावांनी पराभव केला होता.

5:34 (IST) 31 Oct 2021
करो वा मरो सामना!

गट २ मधील भारत आणि न्यूझीलंड यांच्यासाठी हा 'करो किंवा मरो' सामना असेल, कारण कोणताही संघ हरेल त्याला उपांत्य फेरी गाठणे कठीण जाईल. त्यांच्या गटातील गुणतालिकेत भारत सध्या पाचव्या, तर न्यूझीलंड चौथ्या क्रमांकावर आहे. त्याचबरोबर पाकिस्तानी संघाने सलग तीन सामने जिंकून अंतिम चारमधील आपले स्थान जवळपास पक्के केले आहे. आता एकच जागा रिक्त असून, त्यासाठी कडवी झुंज सुरू आहे. ग्रुपमधील अव्वल दोन संघांनाच उपांत्य फेरीत प्रवेश मिळेल.

5:34 (IST) 31 Oct 2021
दोन्ही संघांची संभाव्य प्लेईंग इलेव्हन

भारत – विराट कोहली (कर्णधार), रोहित शर्मा, केएल राहुल, सूर्यकुमार यादव, ऋषभ पंत (यष्टीरक्षक), हार्दिक पंड्या, रवींद्र जडेजा, भुवनेश्वर कुमार/शार्दुल ठाकूर, मोहम्मद शमी, वरुण चक्रवर्ती, जसप्रीत बुमराह.

न्यूझीलंड – केन विल्यमसन (कर्णधार), मार्टिन गप्टिल, डॅरिल मिशेल, डेव्हन कॉन्वे, ग्लेन फिलिप्स, जिमी नीशम, टिम सेफर्ट (यष्टीरक्षक), मिचेल सेंटनर, ईश सोधी, टिम साउदी/अॅडम मिल्ने, ट्रेंट बोल्ट.

Web Title: T20 world cup india vs new zealand live match updates adn

Next Story
सचिन संपलेला नाही!
ताज्या बातम्या